¹ માણસો જુએ એવા હેતુથી તેઓની આગળ તમારાં ધર્મકૃત્યો કરવાથી સાવધાન રહો, નહિ તો આકાશમાનાં તમારા બાપથી તમને ફળ મળવાનું નથી.

² એ માટે જયારે તું દાનધર્મ કરે, ત્યારે જેમ ઢોંગીઓ સભાસ્થાનોમાં તથા રસ્તાઓમાં માણસોથી વખાણ પામવાને કરે છે, તેમ તું પોતાની આગળ રણશિંગડું ન વગાડ; હું તમે ખચિત કહું છું કે તેઓ પોતાનું ફળ પામે છે.

³ પણ તું જયારે દાનધર્મ કરે છે, ત્યારે જે તારો જમણો હાથ કરે તે તારો ડાબો હાથ ન જાણે;

⁴ એ માટે કે તારાં દાનધર્મ ગુપ્તમાં થાય; ને ગુપ્તમાં જોનાર બાપ પોતે પ્રગટમાં તને તેનો બદલો આપશે.

⁵ અને જયારે તમે પ્રાર્થના કરો છો ત્યારે ઢોંગીઓના જેવા ન થાઓ, કેમકે માણસો તેઓને જુએ, માટે તેઓ સભાસ્થાનોમાં તથા રસ્તાઓનાં નાકાંઓ પર ઉભા રહેતાં પ્રાર્થના કરવા ચાહે છે; હું તમને ખચિત કહું છું કે તેઓ પોતાનું ફળ પામ્યા છે.

⁶ પણ જયારે તું પ્રાર્થના કરે છે, ત્યારે તારી ઓરડીમાં પેસ, ને તારું બારણું બંધ કરીને ગુપ્તમાંના તારા બાપની પ્રાર્થના કર, ને ગુપ્તમાં જોનાર તારો બાપ તને પ્રગટમાં બદલો આપશે.

⁷ અને તમે પ્રાર્થના કરતાં વિદેશીઓની પેઠે અમથો લવારો ન કરો, કેમકે તેઓ ધારે છે કે અમારા ઘણા બોલવાથી અમારું સાંભળવામાં આવશે.

⁸ એ માટે તમે તેઓના જેવા ન થાઓ; કેમકે જેની તમને અગત્ય છે, તે તેની પાસે તમારા માગ્યા અગાઉ તમારો બાપ જાણે છે.

⁹ માટે તમે આ રીતે પ્રાર્થના કરો; ઓ આકાશમાંના અમારા બાપ, તારું નામ પવિત્ર મનાઓ;

¹⁰ તારું રાજ્ય આવો; જમ આકાશમાં તેમ પૃથ્વી પર તારી ઈચ્છા પુરી થાઓ.

¹¹ દિવસની અમારી રોટલી આજ અમને આપ;

¹² અને જેમ અમે અમારા ઋણીઓને માફ કર્યા છે, તેમ તું અમારા ઋણો અમને માફ કર;

¹³ અને અમને પરીક્ષણમાં ન લાવ, પણ ભુંડોથી અમારો છુટકો કર. [[ કેમકે રાજ્ય તથા પરાક્રમ તથા મહિમા સર્વકાળ સુધી તારાં છે. આમેન]]

¹⁴ કેમકે જો તમે માણસોના અપરાધ તેઓને માફ કરો, તો તમારો આકાશમાંનો બાપ તમને પણ માફ કરશે.

¹⁵ પણ જો તમે માણસોના અપરાધ તેઓને માફ નહિ કરો, તો તમારો બાપ તમારા અપરાધ પણ માફ નહિ કરશે.

¹⁶ વળી જયારે તમે ઉપવાસ કરો, ત્યારે ઢોંગીઓની પેઠે લેવાઇ ગએલા મ્હોના ન થાઓ, કેમકે લોકોને ઉપવાસી દેખાવા સારૂ તેઓ પોતાનાં મ્હો કસાણાં કરે છે. હું તમને ખચિત કહું છું કે તેઓ પોતાનું ફળ પામ્યા છે.

¹⁷ પણ તું ઉપવાસ કરે, ત્યારે તારા માથા પર તેલ ચોપડ, ને તારું મ્હો ધો;

¹⁸ એ માટે કે તું માણસોને નહિ, પણ તારો બાપ જે ગુપ્તમાં છે તેને ઉપવાસી દેખાય, ને ગુપ્તમાં જોનાર તારો બાપ તમને બદલો આપશે.

¹⁹ પૃથ્વી પર પોતાને સારૂ દ્રવ્ય એકઠું ન કરો, જ્યાં કીડા તથા કાટ નાશ કરે છે, ને જ્યાં ચોરો ખાતર પાડીને ચોરે છે.

²⁰ પણ તમે પોતાને સારૂ આકાશમાં દ્રવ્ય એકઠું કરો, જ્યાં કીડા અથવા કાટ નાશ નથી કરતાં, ને જ્યાં ચોરો ખાતર પાડીને ચોરતા નથી.

²¹ કેમકે જ્યાં તમારી દ્રવ્ય છે, ત્યાંજ તમારું ચિત્ત પણ રહેશે.

²² શરીરનો દીવો અંખ છે, એ માટે જો તારી આંખ નિર્મળ હોય, તો તારું આખું શરીર પ્રકાશે ભરેલું થશે.

²³ પણ જો તારી આંખ ભુંડી હોય, તો તારું આખું શરીર અંધકારે ભરેલું થશે; માટે તારામાં જે અજવાળું છે, તે જો અંધકારરૂપ હોય, તો તે અંધકાર કેટલો મોટો!

²⁴ કોઇથી બે ઘણીની ચાકરી કરાય નહિ, કેમકે તે એક પર દ્વેષ કરશે, ને બીજા પર પ્રીતિ કરશે; અથવા એકના પક્ષનો તે થશે, ને બીજાનો તિરસ્કાર કરશે; દવની તથા દ્રવ્યની સેવા તમારાથી કરાય નહિ.

²⁵ એ માટે હું તમને કહું છું કે તમારા જીવને સારૂ ચિંતા ન કરો કે, અમે શું ખાઈશું અથવા શું પીશું? અને તમારા શરીરને સારૂ ચિંતા ન કરો કે, અમે શું પહેરીશું? શું, જીવ ખોરાક કરતાં, ને શરીર લૂગડાં કરતાં, અધિક નથી?

²⁶ આકાશના પક્ષીઓને જુઓ, તેઓ તો વાવતા નથી, ને કાપતા નથી, ને વખારોમાં ભરતાં નથી, તોપણ તમારો આકાશમાંનો બાપ તેઓનું પાળણ કરે છે; તો તેઓ કરતાં તમે અધિક નથી શું?

²⁷ અને ચિંતા કરવાથી તમારામાંનો કોણ પોતાના કદને એક હાથભર વધારી શકે છે?

²⁸ અને લૂગડાં સંબંધી તમે ચિંતા કેમ કરો છો? ખેતરનાં ફૂલઝાડોનો વિચાર કરો કે, તેઓ કેવા વધે છે, તેઓ મહેનત કરતાં નથી, તેઓ કાંતતા પણ નથી;

²⁹ તોપણ હું તમને કહું છું કે સુલેમાન પણ પોતાના સઘળા મહિમામાં તેઓમાંના એકના જેવો પહેરેલોન હતો.

³⁰ એ માટે ખેતરનું ઘાસ જે આજ છે, ને કાલે ભઠ્ઠીમાં ફેંકાય છે, તેને દેવ જો એવું પહેરાવે છે, તો, ઓ અલ્પવિશ્વાસીઓ, તમને શું વિશેષ નહિ પહેરાવશે?

³¹ માટે મે શું ખાઈએ, અથવા શું પીએ, અથવા શું પહેરીએ, એમ કહેતાં ચિંતા ના કરો.

³² કારણ કે એ સઘળાં વાનાં વિદેશીઓ શોધે છે; કેમકે તમારો આકાશમાંનો બાપ જાણે છે કે બધાની તમને અગત્ય છે.

³³ પણ તમે પહેલાં તેના રાજ્યને તથા તેના ન્યાયીપણાને શોધો, ને એ બધાં વાના પણ તમને અપાશે.

³⁴ તે માટે આવતી કાલને સારૂ ચિંતા ન કરો, કેમકે આવતી કાલ પોતા [ની વાતો]ની ચિંતા કરશે; દહાડાને સારૂ તે દહાડાનું દુઃખ બસ છે.