¹ તમે કોઇને દોષિત ન ઠરાવો, એ માટે કે તમને કોઈ દોષિત ન ઠરાવે.

² કેમકે જેમ તમે બજાને દોષિત ઠરાવશો તેમ તેઓ તમને દોષિત ઠરાવશે; ને જે માપથી તમે માપી આપો છો, તેથીજ તમને માપી આપશે.

³ અને તું તારી આંખમાંનો ભારોટીઓ ધ્યાનમાં ન લાવતાં, તારા ભીની આંખમાંનું તણખલું કેમ જુએ છે?

⁴ અથવા તું તારા ભાઇને કેમ કહેશે કે તારા આંખમાથી તણખલું મને કાઢવા દે, પણ જો, તારી પોતાની આંખમાં ભારોટીઓ છે?

⁵ ઓ ઢોંગી, પહેલાં તું પોતાની આંખમાંથી ભારોટીઓ કાઢ, અને ત્યાર પછી તારી ભાઈની આંખમાંથી તણખલું કાઢવાને તને સારી પેઠે સુઝશે.

⁶ જે પવિત્ર તે કુતરાઓને ન નાખો, તમારાં મોતી ભુંડોની આગળ ન ફેંકો; રખે કદાપિ તે પોતાના પગતળે છુંદે, ને ફરીને તમને ફાડી નાખે.

⁷ માગો તો તમને અપાશે; શોધો, તો તમને જડશે; ઠોકો, તો તમારે સારૂ ઉઘાડાશે.

⁸ કેમકે જજે હરેક માગે છે તે પામે છે, ને જે શોધે છે તેને જડે છે, ને જે ઠોકે છે તેને સારૂ ઉઘાડવામાં આવશે.

⁹ તમારામાં એવું કયું માણસ છે કે, જો તેનો દીકરો તેની પાસે રોટલી માગે, તો તે તેને પત્થર આપશે?

¹⁰ અથવા જો માછલું માગે, તો તે તેને સાપ આપશે?

¹¹ તે માટે તમે ભુંડા છતાં, જો પોતાના છોકરાઓને સારા વાનાં આપી જાણો છો, તો તમારા આકાશમાંની બાપની પાસે જેઓ માગે છે તેઓને કેટલા વિશેષે કરીને સારા વાનાં આપશે?

¹² માટે જે જે તમે ચાહો છો કે બીજા માણસ તમને કરે, તે તે તમે પણ તેઓને કરો; કેમકે નિયમશાસ્ત્ર તથા ભવિષ્યવાદીઓ [ની વાતોનો સાર] એજ છે.

¹³ તમે સાંકડે બારણે માંહે પેસો, કેમકે જે માર્ગ નાશમાં પહોંચાડે છે, તે ચોડો છે, ને તેનું બારણું પહોળું છે, ને ઘણા તેથી પેસે છે.

¹⁴ કેમકે જે માર્ગ જીવનમાં પહોંચાડે છે તે સાંકડો છે, ને તેનું બારણું સાંકડું છે, ને જેઓને તે જડે છે તેઓ થોડા છે.

¹⁵ જુઠા ઉપદેશકો જેઓ ઘેટાને વેશે તમારી પાસે આવે છે, પણ માંહે ફાડી ખાનારાં વરુ છે, તેઓ સંબંધી તમે સાવધાન રહો.

¹⁶ તેઓનાં ફળથી તમે તેઓને ઓળખશો. શું લોકો કાંટાના ઝાડ પરથી દ્રાક્ષ, અથવા ઉંટકટારી પરથી અંજીર તોડે છે?

¹⁷ તેમજ હરેક સારૂ ઝાડ ફળ આપે છે, ને ખરાબ ઝાડ નઠારાં ફળ આપે છે.

¹⁸ સારૂ ઝાડ નઠારાં ફળ આપી શકતું નથી, ને ખરાબ ઝાડ સારા ફળ આપી શકતું નથી.

¹⁹ હરેક ઝાડ જે સારૂ ફળ નથી આપતું તે કપાય છે, ને અગ્નિમાં નંખાય છે.

²⁰ તે માટે તેઓના ફળથી તમે તેઓને ઓળખશો.

²¹ જે મને પ્રભુ, પ્રભુ, કહે છે, તે સર્વ આકાશના રાજ્યમાં પેસશે એવું નહિ, પણ જે મારા આકાશમાંના બાપની ઈચ્છા પ્રમાણે કરે છે [તે પેસશે].

²² તે દહાડે ઘણા અને કહેશે કે, પ્રભુ, પ્રભુ, શું અમે તારે નામે ભવિષ્યવાદ કહ્યા નથી? અને તારે નામે ભૂતોને કાઢ્યા નથી? અને તારે નામે ઘણા પરાક્રમી કામો કીધા નથી?

²³ ત્યારે હું તેઓને સાફ કહીશ કે, મેં તમને કદી પણ ઓળખ્યા નહિ; ઓ ભુંડું કરનારાઓ, તમે મારી પાસેથી દૂર જાઓ.

²⁴ એ માટે જે કોઈ મારી આ વાતો સાંભળે છે, ને પાળે છે, તેને એક ડાહ્યા માણસની ઉપમા અપાશે, કે જેણે પોતાનું ઘર ખડક પર બાંધ્યું;

²⁵ ને વરસાદ વરસ્યો, ને રેલ આવી, ને વાઝોડા થયાં, ને તે ઘર પર સપાટા લાગ્યા; પણ તેનો પાયો ખડક પર નાખેલો હતો, માટે તે પડ્યું નહિ.

²⁶ અને જે કોઈ મારી આ વાતો સાંભળે છે, ને પાળતો નથી, તેને એક મૂર્ખ માણસની ઉપમા અપાશે, કે જેણે પોતાનું ઘર રેતી પર બાંધ્યું;

²⁷ ને વરસાદ વરસ્યો, ને રેલ આવી, ને વાઝોડાં થયા, ને તે ઘર પર સપાટા લાગ્યા, ને તે પડી ગયું; અને તેનો નાશ મોટો થયો.

²⁸ અને ઇસુએ એ વાતો પુરી કરી, ત્યારે એમ થયું કે, લોકો તેના ઉપદેશથી અચરત થયા;

²⁹ કેમકે શાસ્ત્રીઓની પેઠે નહિ, પણ જેને અધિકાર હોય છે તેની પેઠે તે તેઓને ઉપદેશ કરતો.