² અને તેણીના બાપે કહ્યું, મને નિશ્ચય એમ લાગ્યું કે તું તેને તદન ધિક્કારે છે; એ માટે મેં તેને તારા સાથીને આપી દીધી; તેની નાની બહેન શું તે કરતાં સુંદર નથી? કૃપા કરીને તેને બદલે એને લે.

³ અને શામશૂને તેઓને કહ્યું, હવે, જો, હું પલિસ્તીઓને કંઈ ઉપદ્રવ કરૂં, તો તેઓ વિષે હું નિર્દોષી ઠરીશ.

⁴ અને શામશૂને જઈને ત્રણસેં શિયાળ પકડયાં, ને મશાલો લઈને બબે પૂછડીઓ ભેગી કરીને એક એક મશાલ બબે પૂછડીઓ વચ્ચે બાંધી.

⁵ અને મશાલો સળગાવીને તેઓને પલિસ્તીઓના ઉભા અનાજમાં છોડી મુક્યા, અને પૂળા તથા ઉભું અનાજ તથા જૈતવાડીઓ પણ બાળી મુકી.

⁶ ત્યારે પલિસ્તીઓએ કહ્યું, એ કોણ કર્યું છે? ને તેઓએ કહ્યું કે, તિમ્નીના જમાઈ શામશૂને, કેમકે તેણે તેની સ્ત્રીને લઈને તેના સાથીને આપી દીધી છે. અને પલિસ્તીઓએ આવીને તેણીને તથા તેણીના બાપને આગથી બાળી દીધાં.

⁷ અને શામશૂને તેઓને કહ્યું, જો તમે આમ કરો છો, તો નિશ્ચય તમારા પર વેર વાળ્યા શિવાય હું જંપવાનો નથી.

⁸ અને તેણે તેઓને મારીને તેઓનો પુરો સંહાર કર્યો; ને જઈને તે એટામ ખડકની ખોમાં રહ્યો.

⁹ અને પલિસ્તીઓએ જઈને યહુદાહમાં છાવણી કરી, ને લહીમાં પસરી ગયા.

¹⁰ અને યહુદાહના માણસોએ કહ્યું, તમે અમારા પર કેમ ચઢી આવ્યા છો? ને તેઓએ ઉત્તર આપ્યો, શામશૂન જેમ અમને કર્યું છે, તેમ તેને કરવા સારૂ અમે તેને બાંધવા આવ્યા છીએ.

¹¹ ત્યારે યહુદાહના ત્રણ હજાર માણસોએ એટામ ખડકની ખોમાં જઈને શામશૂનને કહ્યું, શું તું જાણતો નથી કે, પલિસ્તીઓ અમારા રાજ્યકર્તા છે? ત્યારે તે અમારા ઉપર આ શું કર્યું છે? ને તેને તેઓને કહ્યું, તેઓએ જેવું મને કર્યું છે, તેવું મેં તેઓને કર્યું છે.

¹² અને તેઓએ તેને કહ્યું, તને પલિસ્તીઓના હાથમાં સોંપવાને અમે તને બાંધવા આવ્યા છીએ. અને શામશૂને તેઓને કહ્યું, મારી આગળ તમે સમ ખાઓ, કે તમે પોતે મારા પર તુટી નહિ પડો.

¹³ અને તેઓએ તેને કહ્યું, એમ નહિ; પણ અમે તને સજ્જડ બાંધીને તેઓના હાથમાં સોંપીશું; પણ અમે તારી હત્યા નહિજ કરીશું. અને તેઓ તેને નવાં બે દોરડાથી બાંધીને તે ખડક પરથી લઇ ગયા.

¹⁴ અને તે લહીમાં પહોંચ્યો ત્યારે પલિસ્તીઓએ તેને જોઇને પોકાર કીધો; ને યહોવાહનો આત્મા તેના પર પરાક્રમ સહિત આવ્યો, ને તેને હાથે જે દોરડાં હતા તે અગ્નિથી બળેલા સણના જેવાં થઈને તેના હાથ પરથી તેના બંધ ખરી પડ્યા.

¹⁵ અને તેને ગધેડાનું તાજું જડબું મળ્યું, ને તેણે પોતાનો હાથ લાંબો કરીને તે લઈને એક હજાર માણસો તે વડે માર્યો.

¹⁶ અને શામશૂન કહ્યું, ગધેડાના જડબાથી ઢગલે ઢગલા, ગધેડાના જડબાથી મેં હજાર માણસો માર્યા છે.

¹⁷ અને એમ થયું કે, આ પ્રમાણે બોલી રહીને તેણે પોતાના હાથમાંથી તે જડબું ફેંકી દીધું; ને તે જગ્યાનું નામ રામાથ-લહી પાડ્યું.

¹⁸ અને તે બહુ તરસ્યો થયો, ને તેણે યહોવાહની વિનંતી કરતાં કહ્યું કે, તે આ મોટો બચાવ પોતાના દાસની હસ્તક કર્યો છે; ને શું હું હવે તૃષાથી મરીને બેસુનત લોકના હાથમાં પડીશ?

¹⁹ પણ લહીમાં એક ખાડો છે તેમાં દેવે ફાટ પાડી, ને તેમાંથી પાણી નિકળ્યું; ને પીધા પછી તે પાછો શુદ્ધિમાં આવ્યો, ને સાવચેત થયો; એ માટે તેણે તે જગ્યાનું નામ એન-હાક્કોરે પાડ્યું, તે આજ લગી લહીમાં છે.

²⁰ અને પલિસ્તીઓના દિવસોમાં તેણે વીસ વર્ષ ઇસ્રાએલનો ન્યાય કીધો.