² જે ભૂમિ હજી રહી છે, તે આ છે, એટલે પલિસ્તીઓનો સર્વ પ્રદેશ, ને સર્વ ગશૂરી;

³ મિસરની પૂર્વ ગમ શીહોરથી તે ઉત્તરમાં એક્રોનની હદ sudhi [જે ભૂમિ] કનાનીએઓની ગણેલી છે તે; પલિસ્તીઓના પાંચ ઉમરાવ; એટલે ગાઝ્ઝીઓ, તથા આશ્દોદીઓ, તથા આશ્ક્લોનીઓ, તથા ગિત્તીઓ, તથા એક્રોનીઓ;

⁴ વળી દક્ષિણે આવ્વીઓ પણ; કનાનીઓનો સર્વ દેશ, ને સીદોનીઓનું મઆરાહ, અને અફેક સુધી, એટલે અમોરીઓની સીમ સુધીનો દેશ;

⁵ ને ગબાલીઓનો દેશ, ને ઉગમણી તરફ સઘળો લબાનોન, એતે હેર્મોન પર્વતની તળેટીમાંના બઆલ-ગાદથી તે હમાથના નાકા સુધી;

⁶ અને લબાનોનથી તે મિસ્રફોથમાઇમ સુધીના પહાડ મુલકના સઘળાં રહેવાસીઓ, એટલે બધા સીદોનીઓ, એઓને હું ઇસ્રાએલપુત્રોની આગળથી હાંકી કાઢીશ; પણ જેમ મેં તમે આજ્ઞા આપી છે તેમ ઇસ્રાએલપુત્રોને તે દેશ તું હિસ્સા પાડીને વહેંચી આપ.

⁷ તો હવે નવ કુળોને તથા મનાશ્શેહના અર્ધ કુળને વતન થવા સારૂ અ દેશની વહેંચણ કર.

⁸ તેની સાથે રેઉબેનીઓને તથા ગાદીઓને પોતાનું વતન મળ્યું; અને તે મુસાએ યરદન પાર, પૂર્વમાં, તેઓને આપ્યું, એટલે યહોવાહના સેવક મુસાએ જેમ તેઓને આપ્યું હતું તેમ;

⁹ એટલે આર્નોનની ખીણની કોર પરના અરોએરથી, ને જે નગર ખીણની મધ્યે છે ત્યાંથી, તથા મેદબાનો સઘળો સપાટ પ્રદેશ, દીબોન સુધી;

¹⁰ ને અમોરીઓના રાજા સીહોન જે હેશ્બોનમાં રાજ્ય કરતો હતો તેના સઘળાં નગરો આમ્મોનપુત્રોની સરહદ સુધી;

¹¹ ને ગિલઆદ ને ગશૂરી તથા આઅખાથીઓની હદ, ને સઘળો હેર્મોન પર્વત, ને સાલખાહ સુધી સર્વ બાશાન;

¹² વળી બાશાનના ઓગનું સર્વ રાજ્ય [તેઓને] આપ્યું; તે આશ્તારોથ ને એડ્રેઇમાં રાજ્ય કરતો હતો; (રફાઈઓમાંનો જે બચી રહેલી તેઓમાંથી તે બચ્યો હતો); કેમકે તેઓને મુસાએ મારીને હાંકી મુક્યા હતા.

¹³ તો પણ ઇસ્રાએલપુત્રોએ ગશૂરીઓને તથા આઅખાથીઓને વતનમાંથી કાઢી મુક્યા નહિ; પરંતુ ગશૂરીઓને ને માઅખાથીઓ અજ સુધી ઇસ્રાએલ મધ્યે રહે છે.

¹⁴ માત્ર લેવીના કુળને તેણે વતન આપ્યું નહિ; ઇસ્રાએલના દેવ યહોવાહના અર્પણો, જે અગ્નિ વડે અર્પાય, ઈજ્જ તેઓનું વતન છે; જેમ તેણે તેને કહ્યું હતું તેમ.

¹⁵ અને મુસાએ રેઉબેનના પુત્રોના કુળને તેઓનાં કુટુંબો પ્રમાણે વતન આપ્યું.

¹⁶ અને તેઓની હદ આ પ્રમાણે હતી, એટલે આર્નોનની ખીણને કોર પરનું અરોએર તથા જે શહેર તે ખીણની મધ્યે છે, ત્યાંથી માંડીને મેદબા પાસેનો સઘળો સપાટ પ્રદેશ;

¹⁷ હેશ્બોન, તથા સપાટ પ્રદેશમાંનાં તેના સર્વ નગરો, એટલે દીબોન તથા બામોથ-બઆલ, તથા બેથ-બઆલ-મેઓન;

¹⁸ તથા યાહાસ, તથા કદેમોથ, તથા મેફાઆથ;

¹⁹ તથા કિર્યાથાઈમ, તથા સિબ્માહ, તથા ખીણનાપર્વત પરનું સેરેથ-શાહાર;

²⁰ તથા બેથ પેઓર તથા પિસ્ગાહના ઢોળાવ, તથા બેથયશીમોથ;

²¹ તથા સપાટ પ્રદેશનાં સર્વ નગરો, ને અમોરીઓના રાજા સીહોનનું સઘળું રાજ્ય; તે હેશ્બોનમાં રાજ્ય કરતો હતો, અને તેને મુસાએ માર્યો અને તેની સાથે તે દેશમાં રહેનારા સીહોનના સરદારોને, એટલે મિદ્યાન, તથા આવી, તથા રેકેમ, તથા સૂર, તથા હૂર, તથા રેબાના નાયકોને માર્યા.

²² જેઓને ઇસ્રાએલપુત્રોએ માર્યા, તેઓમાં બેઓરના દીકરા બલઆમ શકુન કહેનારને પણ તેઓએ તરવારથી મારી નાખ્યો.

²³ અને યરદન તથા તેનો કાંઠો એ રેઉબેનપુત્રોની સીમા હતી; રેઉબેનપુત્રોના વતનનાં નગરો તથા ગામો તેઓનાં કુટુંબો પ્રમાણે એ હતાં.

²⁴ અને મુસાએ ગાદના કુળને, એટલે ગાદપુત્રોને તેઓના કુટંબો પ્રમાણે , વતન આપ્યું.

²⁵ અને તેઓની સરહદ આ હતી, એટલે યાઝેર તથા ગિલઆદના સર્વ નગરો, તથા શબ્બાહની સામેના આરોએર સુધીનો આમ્મોનપુત્રોનો અડધો દેશ.

²⁶ ને હેશ્બોનથી તે રામાથ-મિસ્પેહ ને બટોનીમ સુધી, ને માહનાઈમથી તે દબીરની સરહદ સુધી;

²⁷ ને ખીણમાં બેથ-હરામ, તથા બેથ-નિમ્રાહ, તથા સુક્કોથ, તથા સાફોન, એટલે સીહોન હેશ્બોનના રાજાના રાજ્યનો રહેલો શેષ, યરદન તથા તેનો કાંઠો,યરદન પાર પૂર્વમાં કિન્નેરોથ સમુદ્રના છેડા સુધી.

²⁸ ગાદપુત્રોના વતનના નગરો તથા ગામો તેઓનાં કુટંબો પ્રમાણે આ છે.

²⁹ અને મનાશ્શેહના પુત્રોના અર્ધ

³⁰ કુળને વાસ્તે તેઓનાં કુટુંબો પ્રમાણે હતું.

³¹ અને તેઓની સરહદ માહનાઈમથી હતી, એટલે સઘળું બાશાન, બાશાનના રાજા ઓગનું સર્વ રાજ્ય, આદ, તથા આશ્તારોથ, તથા એડ્રેઇ, બાશાનના ઓગના રાજ્યનાં નગરો, એ મનાશ્શેહના દીકરા માખીરના પુત્રોને માટે, એટલે તેઓનાં કુટુંબો પ્રમાણે માખીરપુત્રોના અર્ધ ભાગને માટે હતા.

³² આ દેશો મુસાએ મોઆબના સપાટ પ્રદેશમાં યરદનપાર યેરેખોની પૂર્વમાં વતનને સારૂ વહેંચી આપ્યાં.

³³ પણ લેવીના કુળને મુસાએ કંઈ વતન ન આપ્યું; ઇસ્રાએલનો દેવ યહોવાહ તેઓનું વતન છે, જેમ તેને તેઓને કહ્યું, તેમ.