² અને ઉત્તરમાં પહાડી મુલકમાં, તથા કીન્નેરોથની દક્ષિણે આરાબાહમાં, તથા નીચ પ્રદેશમાં, અને પશ્ચિમે દોરના પર્વતોમાં, જે રાજાઓ હતા તેઓને,

³ અને પૂર્વ તથા પશ્ચિમના કનાનીઓને, તથા અમોરીઓને, તથા હિત્તીઓને, તથા પરીઝ્ઝીઓને, તથા પહાડી મુલકમાંના યબુસીઓને, તથા મિસ્પાહના પ્રાંતમાં હેર્મોનની તળેટીના હિવ્વીઓને કહેવાડી મોકલ્યું.

⁴ અને તેઓ તથા તેઓની સાથે તેઓનું સર્વ સૈન્ય, એટલે સંખ્યામાં જાણે કે સમુદ્ર કાંઠા પરની રેતીની માફક ઘણા લોક, બહુ ઘોડા ને રથો સહિત નીકળ્યાં.

⁵ અને એ સર્વ રાજાઓ એકઠા થયાં, ને તેઓએ આવીને ઇસ્રાએલ સામે લડવાને મેરોમ સરોવર પાસે એકત્ર છાવણી કીધી.

⁶ એ યહોવાહે યહોશુઆને કહ્યું, તેઓથી બી મા, કેમકે કાલે આ વખતે હું ઇસ્રાએલની આગળ તેઓ સર્વને મુએલાં સોંપીશ; તારે તેઓને ઘોડાઓની જાંગની નસો કાપવી, ને તેઓના રથ અગ્નિથી બાળવા.

⁷ તેથી યહોશુઆ ને તેની સાથે સર્વ યુદ્ધ કરનારા લોક મેરોમ સરોવર પાસે તેઓ પર ઓચિંતા આવીને તુટી પડ્યા.

⁸ અને યહોવાહે તેઓને ઇસ્રાએલના હાથમાં આપ્યાં, ને તેઓએ તેઓને માર્યા; ને મોટા સીદોન સુધી ને મિસ્રફોથમાઇમ સુધી, ને પૂર્વગમ મિસ્પેહની ખીણ સુધી તેઓને નસાડ્યા, ને તેઓએ તેઓને એટલે સુધી માર્યા કે તેઓમાંના એકને પણ જીવતો રહેવા દીધો નહિ.

⁹ અને યહોવાહે યહોશુઆને કહ્યું હતું, તેમ તેણે તેઓને કીધું; તેણે તેઓના ઘોડાઓની જાંગની નસો કાપી, ને તેઓનો રથ આગ્નિથી બાળ્યા.

¹⁰ અને તે વેળાએ યહોશુઆએ પાછા વળીને હાસોર લીધું ને તેના રાજાને તરવારથી માર્યો; કેમકે અગાઉ હાસોર તે સર્વ રાજ્યોનું મુખ્ય હતું.

¹¹ અને તેઓએ તેમાંના સર્વ પ્રાણીઓને જીવતા મુક્યું નહિ; ને તેણે હાસોર અગ્નિથી બાળ્યું.

¹² અને યહોશુઆએ તે રાજાઓનાં સર્વ નગરોને તથા તેઓના સર્વ રાજાઓને કબજે કીધાં, ને જમ યહોવાહના સેવક મુસાએ આજ્ઞા આપી હતી તેમ તેને તેઓને તરવારની ધારથી મારીને તેઓનો વિનાશ કીધો;

¹³ પણ જે નગરો તેઓની ટેકરી ઉપર હતાં, તેઓમાંથી હાસોર શિવાય એકે ઇસ્રાએલે બાળ્યું નહિ, પણ હાસોરને યહોશુઆએ બાળી નાખ્યું.

¹⁴ અને તે નગરોમાંની સર્વ માલમિલકત ને ઢોરઢાંક ઇસ્રાએલપુત્રોએ પોતાને વાસ્તે લૂટી લીધા; પણ તેઓએ સર્વ માણસોનો નાશ થતાં સુધી તેઓને તરવારની ધારથી માર્યા, અને તેઓએ કોઇ શ્વાસોચ્છવાસ લેનાર માણસને જીવતું દીધું નહિ.

¹⁵ જેમ યહોવાહે પોતાના સેવક મુસાને આજ્ઞા આપી હતી, તેમ મુસાએ યહોશુઆને આજ્ઞા આપી હતી; ને તે પ્રમાણે યહોશુઆએ કીધું; યહોવાહે મુસાને જે આજ્ઞા આપી હતી, તે સઘળીમાંની તેણે એક પણ અમલમાં આણ્યા વગર રહેવા દીધી નહિ.

¹⁶ એ પ્રમાણે યહોશુઆએ તે સર્વ દેશ લીધો, એટલે પહાડી મુલક, ને આંખો નેગેબ, ને આંખો ગોશેન દેશ, ને નીચ પ્રદેશ, ને આરાબાહ, ને ઇસ્રાએલનો પહાડી મુલક, ને તેનાજ તાંબાનો નીચ પ્રદેશ;

¹⁷ એટલે સેઇર પાસેના હાલાક પર્વતથી તે હેર્મોન પર્વતની તળેટીમાંના લબાનોનની ખીણમાં આવેલા બઆલગાદ સુધીનો [દેશ લીધો]; ને તેઓના સર્વ રાજાઓને પકડીને તેઓને માર્યા, ને તેઓના પ્રાણ લીધા.

¹⁸ તે સર્વ રાજાઓ સાથે યહોશુઆએ ઘણા વખત સુધી લડાઇ કીધી.

¹⁹ ગિબઓનમાં રહેનારા હિવ્વીઓ શિવાય જેણે ઇસ્રાએલપુત્રો સાથ સલાહ કીધી તેવું એક પણ નગર ન હતું; બીજા સઘળાં તેઓએ લડાઇમાં લીધા.

²⁰ કેમકે યહોવાહે તેઓના મન હઠીલાં કીધાં હતા એ સારૂ કે તેઓ ઇસ્રાએલની સાથે લડવાને આવે, કે તે તેઓનો પુરો વિનાશ કરાવે, ને તેઓ કંઈ કૃપા ન પામે, પણ જેમ યહોવાહે મુસાને અજ્ઞા આપી હતી તેમ તે તેઓનો વિનાશ કરે..

²¹ અને તે વેળાએ યહોશુઆએ જઈને પહાડી મુલકમાંના, હેબ્રોનમાંના, દબીરમાંના, અનાબમાંના, ને યહુદાહના, આખા પહાડી મુલકમાંના, ને ઇસ્રાએલના અખા પહાડી મુલકમાંના અનાકીઓનો સંહાર કીધો; યહોશુઆએ તેઓનો તથા તેઓનાં નગરોનો પુરો વિનાશ કીધો.

²² ઇસ્રાએલપુત્રોના દેશમાં એકે અનાકીને રહેવા દીધો નહિ; માત્ર ગાઝ્ઝાહ, ગાથ ને અશ્દોદમાંજ કેટલાક રહ્યા.

²³ યહોવાહે મુસાને જે સર્વ કહ્યું હતું તે પ્રમાણે યહોશુઆએ આંખો દેશ લીધો; ને યહોશુઆએ તે દેશ ઇસ્રાએલને તેઓનાં કુળો પ્રમાણે હિસ્સા પાડીને વતનને સારૂ વહેંચી આપ્યો અને દેશને લડાઈમાં આરામ મળ્યો.