¹ એ કારણ માટે, હું પાઉલ તમ વિદેશીઓને વાસ્તે ખ્રીસ્ત ઇસુનો બંધીવાન,

² દેવની જે કૃપા તમારે સારૂ મને અપાએલી છે, તેના કારભાર વિષે તમે સાંભળ્યું હશે કે,

³ પ્રકટીકરણથી તેણે મને મર્મ જણાવ્યો; તે પ્રમાણે મેં અગાઉ થોડામાં લખ્યું;

⁴ તેથી તમે વાંચીને ખ્રીસ્તના મર્મ વિષેની મારી સમાજ જાણી શકશો.

⁵ તે જેમ હમણાં તેના પવિત્ર પ્રેરીતોને તથા ભવિષ્યવાદીઓને આત્માથી પ્રગટ થએલો છે, તેમ બીજી પેઢીઓમાં માણસના દીકરાઓને તે જણાએલો ન હતો,

⁶ કે વિદેશીઓ, ખ્રીસ્ત ઇસુમાં સુવાર્તાને આસરે, સાથી વારસો, તથા શરીરનાં સાથીઅવયવો, તથા તેના વચનના સાથીભાગીદારો છે;

⁷ દેવના સામર્થ્યના પ્રક્રેમે કરીને, તેની કૃપાનું દાન જે મને અપાએલું હતું તે પ્રમાણે, હું આ સુવાર્તાનો સેવક થએલો છું.

⁸ હું પવિત્રોમાંના નાનાઓમાંનો નાનો છતાં આ કૃપા મને આપેલી છે કે, હું વિદેશીઓમાં ખ્રીસ્તની અશોધ્ય સંપતની સુવાર્તા પ્રગટ કરું;

⁹ ને દેવ જેણે બધા સૃજ્યાં, તેનામાં યુગોથી ગુપ્ત રહેલા મર્મનો કારભાર શો છે તે હું સઘળાને જણાવું.

¹⁰ એ સારૂ કે જે સનાતન કાળનો ઈરાદો તેણે આપણા પ્રભુ ખ્રીસ્ત ઇસુમાં કીધો,

¹¹ તે પ્રમાણે આકાશી જગ્યાઓમાં અધિપતિઓને તથા અધિકારીઓને દેવનું બહુ પ્રકારનું જ્ઞાન મંડળીને આસરે જણાય.

¹² તે [ખ્રીસ્ત ઇસુ]માં તે પરના વિશ્વાસથી આપણને હિમ્મત તથા ભરોસા સહિત પ્રવેશ છે.

¹³ એ માટે હું માંગુ છું કે, તમારે સારૂ જે મારી વિપત્તિ તેથી તમે નિર્ગત ન થાઓ, તે વિપત્તિ તમારો મહિમા છે.

¹⁴ એ કારણ માટે બાપ,

¹⁵ જેનાં નામથી આકાશમાં તથા પૃથ્વી પર સર્વ કુટુંબોને નામ અપાએલું છે,

¹⁶ તેની આગળ હું ઘૂંટણું ટેકવું છું, કે તે પોતાના મહિમાની સંપત પ્રમાણે તમને એવું આપે, કે તમે તેના આત્માને આસરે માંહેના માણસપણામાં સામર્થ્યથી બળવાન થાઓ;

¹⁷ ને વિશ્વાસથી તમારાં હૃદયોમાં ખ્રીસ્ત વસે; એ માટે કે પ્રીતિમાં જડ તથા પાયા ઘાલીને,

¹⁸ સર્વ પવિત્રોની સાથે [ખ્રીસ્તની પ્રીતિની] ચોડાઈ તથા લંબાઈ તથા ઉંચાણ તથા ઉંડાણ કેટલાં છે તે તમે સમજી શકો,

¹⁹ ને ખ્રીસ્તની પ્રીતિ જે જાણ્યા કરતાં અધિક છે તે પણ તમે જાણી શકો; કે તમે દેવના સર્વ ભરપુરપણામાં ભરપુર થાઓ.

²⁰ હવે આપણે માગીએ કે કલ્પીએ તે કરતાં, જે, આપણામાં કરેલા સામર્થ્ય પ્રમાણે, આપણને ઘણું પુષ્કળ કરી શકે છે,

²¹ તેને ખ્રીસ્ત ઇસુમાં તથા મંડળીમાં સર્વકાળ સુધી પેઢી દર પેઢી મહિમા થાઓ. આમેન.