² એટલે દાઉદે અહીમેલેખ યાજકને કહ્યું કે, રાજાએ મને એ કામ ફરમાવીને કહ્યું છે કે, જે કામ વિષે હું તને મોકલું છું, તથા જે કામ મેં તને ફરમાવ્યું છે, તે વિષે કોઇ માણસને કિન્ન ખબર ન પડે; ને ફલાણી ફલાણી જગ્યા પર મેં યુવાનોની નિમણુક કરી છે.

³ તો હવે તારા હવાલામાં શું છે? પાંચ રોટલી, અથવા જે કંઈ હાજર હોય તે, મારા હાથમાં આપ.

⁴ અને યાજકે દાઉદને ઉત્તર આપીને કહ્યું કે, મારા હવાલામાં સાધારણ રોટલી બિલકુલ નથી, પણ પવિત્ર રોટલી છે; પણ જો યુવાન પુરુષો સ્ત્રીઓથી દૂર રહેલા હોય તોજ તે અપાય.

⁵ અને દાદુએ યાજકને ઉત્તર આપીને તેને કહ્યું કે, આસરે ગયા ત્રણ દિવસોમાં તો સ્ત્રીઓ ખરેખર અમારાથી દૂર રખાઈ છે; જયારે હું ચાલી નિકળ્યો ત્યારે, જો કે મુસાફરી ફક્ત સાધારણ હતી તો પણ યુવાન પુરુષોનાં પાત્રો પવિત્ર હતા; તો આજ તેમનાં પાત્રો કેટલાં વિશેષ પવિત્ર હશે!

⁶ તો ઉપરથી યાજકે તેને પવિત્ર રોટલી આપી. કેમકે બીજી ગરમ રોટલી યહોવાહની આગળ મુકવા સારૂ તે દિવસે તેની આગળથી ઉઠાવી લીધેલી અર્પિત રોટલી શિવાય બીજી કંઈ રોટલી હતી નહિ.

⁷ હવે તે દિવસે શાઉલના ચાકરોમાંના એક અમુક માણસ ત્યાં યહોવાહની આગળ રોકલો હતો, ને તેનું નામ દોએગ અદોમી હતું, તે શાઉલના ગોવાળીઓમાં મુખ્ય હતો.

⁸ અને દાઉદે અહીમેલેખને કહ્યું કે, શું તારા હવાલામાં અહીં ભાલો કે તરવાર નથી.

⁹ અને યાજકે કહ્યું કે, જો, પલિસ્તી ગોલ્યાથ જેણે તે એલાહની ખીણમાં મારી નાખ્યો હતો, તેની તરવાર અહીં લુગડે વિંટાળીને એફોદની પાછળ મુકેલી છે; જો તે તારે લેવાની ઈચ્છા હોય, તો લે; કેમકે તે શિવાય બીજી એકે અહીં નથી. અને દાઉદે કહ્યું કે, એના જેવી એકે નથી, એ મને આપ.

¹⁰ અને દાઉદ ત દિવસે ઉઠીને શાઉલની બીકથી ગાથના રાજા આખીશ પાસે નાસી ગયો.

¹¹ અને આખીશના ચાકરોએ તેને કહ્યું કે, શું આ તે દેશનો રાજા દાઉદ નથી? શું તેઓએ નાચતાં નાચતાં સામાસામી આ પ્રમાણે ગાયું નથી? કે, શાઉંલ પોતાના સહસ્ત્રોને માર્યા છે, ને દાઉદે તો પોતાના દસ સહસ્ત્રોને માર્યા છે.

¹² અને દાઉદે એ શબ્દો મનમાં રાખ્યા, ને ગાથમાં રાજા આખીશથી તે ઘણો બીતો હતો.

¹³ અને તેણે તેઓની આગળ પોતાની વર્તણુક બદલી, ને તેઓના હાથમાં હતો ત્યારે ઘેલાઈનું ઢોંગ ધારણ કીધું, ને દરવાજાનાં કમાડો ઉપર લીટા પાડ્યા, ને પોતાનું થુંક દાઢી ઉપર પડવા દીધું.

¹⁴ ત્યારે આખીશે પોતાના ચાકરોને કહ્યું કે, જુઓ, તમે જુઓ છો કે એ માણસ ગાંડો છે, તો શા વાસ્તે તમે તેને મારી પાસે લાવ્યા છો?

¹⁵ શું મને ઘેલા માણસની ખોટ છે કે તમે આ માણસને મારી હજુરમાં ઘેલાઈ કરવાને આણ્યો છે? શું આ માણસને મારા ઘરમાં દાખલ કરાય?