² કેમકે ઇસુ ખ્રીસ્ત એટલે વધસ્તંભે જડાએલા, તે વિના હું તમારામાં કંઇજ ન જાણું, એવું મેં ઠરાવ્યું.

³ અને હું અબળપણામાં તથા ભયમાં તથા ઘણી ધ્રુજારીમાં તમારી સાથે હતો.

⁴ અને મારી વાત તથા મારૂં ભાષણ માનવા જ્ઞાનની મનોહર વાતોથી નહિ, પણ આત્માના તથા પરાક્રમના પ્રમાણથી હતાં,

⁵ કે તમારો વિશ્વાસ માણસોના જ્ઞાનથી નહિ, પણ દેવના પરાક્રમથી થાય.

⁶ પણ જેઓ સંપૂર્ણ છે તેઓમાં અમે જ્ઞાનની વાત બોલીએ છીએ; પણ આ કાળનું જ્ઞાન નહિ,

⁷ પણ દેવનું જ્ઞાન,એટલે જે ગુપ્ત રખાએલું જ્ઞાન યુગોથી અગાઉ, દેવે આપણા મહિમાને સારૂ ઠરાવ્યું હતું, તેની વાત અમે મર્મમાં બોલીએ છીએ.

⁸ તે આ કાળના કોઇ અધિકારીએ ન જાણ્યું; કેમકે જો જાણ્યું હોત તો તેઓ મહિમાના પ્રભુને વધસ્તંભે ન જડત.

⁹ પણ જેમ લખ્યું છે તેમ, આખે જે જોયું નથી, ને કાને જે સાંભળ્યું નથી, ને માણસના મનમાં જે પેઠું નથી, દેવે પોતાના પ્રેમ કરનારાઓને સારૂ જે સિદ્ધ કર્યું છે;

¹⁰ તે તો દેવે પોતાના આત્માથી આપણને પ્રગટ કર્યું છે; કેમકે આત્મા સર્વને હા, દેવની ઉંડી વાતોને પણ શોધે છે.

¹¹ કેમકે માણસનો આત્મા જે તેનામાં છે તે વિના કયું માણસ માણસોની વાતું જાણે છે? એમજ દેવના આત્મા વિના દેવની વાતો કોઇ જાણતો નથી.

¹² પણ અમે જગતનો આત્મા નહિ, પણ જે આત્મ દેવથી છે તે પામ્યા છીએ, એ માટે કે દેવે આપણને કૃપાએ કરીને જે આપ્યું તે જાણીએ.

¹³ તેજ અમે બોલીએ છીએ, માનવી જ્ઞાનની શિખવેલી વાતોથી નહિ, પણ પવિત્ર આત્માની શિખવેલી વાતોથી, આત્મિક આત્મિકની સાથે સરખાવતાં બોલીએ છીએ.

¹⁴ પ્રાણિક માણસ દેવના આત્માની વસ્તુઓનો અંગીકાર કરતુ નથી; કેમકે તેઓ મૂર્ખપણું એવું તેને લાગે છે; ને તેઓ આત્મિક રીતે સમજાય છે, માટે તે તેઓને જાની શકતું નથી.

¹⁵ પણ જે આત્મિક તે સર્વને પારખે છે, પણ પોતે કોઇથી પરખાતો નથી.

¹⁶ કેમકે કોણે પ્રભુનું મન જાણ્યું છે, કે તે તેને બોધ કરે? પણ અમને ખ્રીસ્તનું મન છે.