² એ સર્વ ઉપર, પાઉલ જે દેવની ઇચ્છાથી ઇસુ ખ્રીસ્તનો પ્રેરિત થવાને તેડાએલો તે, તથા ભાઇ સોસ્થેનેસ લખે છે.

³ દેવ આપણા બાપથી તથા પ્રભુ ઇસુ ખ્રીસ્તથી તમને કૃપા તથા શાંતિ થાઓ.

⁴ દેવની કૃપા ખ્રીસ્ત ઇસુમાં તમને અપાયલી છે, તેને સારૂ હું તમારા વિષે મારા દેવનો ઉપકાર સદા માનું છું;

⁵ કેમકે જેમ ખ્રીસ્તની શાહેદી તમારામાં દૃઢ થઇ તેમ, સર્વ પ્રકારે,

⁶ સર્વ બોલવામાં તથા સર્વ જ્ઞાનમાં, તમે તેનામાં ભરપુર થયા;

⁷ માટે તમે કંઈ કૃપાદાનમાં ઓછા ન થતાં આપણા પ્રભુ ઇસુ ખ્રીસ્તના પ્રગટ થવાની વાટ જુઓ છો.

⁸ તે તમને આપણા પ્રભુ ઇસુ ખ્રીસ્તના દિવસમાં નિર્દોષ થવાને અંત સુધી દૃઢ કરશે.

⁹ દેવ, જેનાથી તમે તેના દીકરા આપણા પ્રભુ ઇસુ ખ્રીસ્તની સંગતમાં તેડાએલા છો, તે વિશ્વાસુ છે.

¹⁰ ભાઈઓ, હું આપણા પ્રભુ ઇસુ ખ્રીસ્તને નામે, તમારી વિનંતી કરું છું, કે તમે સઘળા એકજ વાત બોલો, ને તમારામાં ફૂટો ન થાય, પણ એકજ મને તથા એકજ મત મળેલા થાઓ.

¹¹ કેમકે, મારા ભાઈઓ, તમારા સંબંધી કલોએના ઘરનાંઓની પાસેથી મને ખબર મળી છે, કે તમારામાં કજીઆ છે.

¹² હવે હું એ કહેવા માંગું છું, કે તમારામાંનો હરેક કહે છે, કે હું તો પાઉલનો, ને હું અપોલાનો, ને હું કેફાનો, ને હું ખ્રીસ્તનો.

¹³ શું ખ્રીસ્ત વિભાગેલો છે? શું પાઉલ તમારે સારૂ વધસ્તંભે જડાયો? અથવા શું તમે પાઉલના નામે બાપ્તિસ્મા પામ્યા?

¹⁴ હું દેવની સ્તુતિ કરું છું, કે ક્રિસ્પસ તથા ગાયસ વિના મેં તમારામાંના કોઈનું બાપ્તિસ્મા કર્યું નહિ.

¹⁵ રખે કોઇ કહે કે મેં પોતાને નામે બાપ્તિસ્મા કર્યું.

¹⁶ સ્તેફનના કુટુંબનું પણ મેં બાપ્તિસ્મા કર્યું; એ શિવાય મેં બીજા કોઈનું બાપ્તિસ્મા કર્યું હોય, એ હું જાણતો નથી.

¹⁷ કેમકે બાપ્તિસ્મા કરવા સારૂ ખ્રીસ્તે મને મોકલ્યો એમ નહિ, પણ સુવાર્ત્તા પ્રગટ કરવા સારૂ, વાતના જ્ઞાનથી નહિ, રખે ખ્રીસ્તનો વધસ્તંભ વ્યર્થ થાય.

¹⁸ કેમકે નાશ પામનારાઓને વધસ્તંભની વાત મૂર્ખપણું લાગે છે; પણ અમ તારણ પામનારાઓને તે દેવનું પરાક્રમ છે.

¹⁹ કેમકે એમ લખ્યું છે કે, હું જ્ઞાનીઓના જ્ઞાનને નાશ કરીશ, ને બુદ્ધિવંતોની બુદ્ધિનો નકાર કરીશ.

²⁰ જ્ઞાની ક્યાં? શાસ્ત્રી ક્યાં?આ કાળનો વિવાદી ક્યાં? શું દેવે જગતનું જ્ઞાન મૂર્ખપણું ઠરાવ્યું નથી?

²¹ કેમકે જયારે દેવના જ્ઞાનમાં, જગતે પોતાના જ્ઞાનવડે દેવને જાણ્યો નહિ, ત્યારે વાત પ્રગટ કરવાના મૂર્ખપણા વડે વિશ્વાસ કરનારાઓને તારવા તે દેવને પસંદ પડ્યું.

²² યહુદીઓ નિશાની માગે છે હેલેનીઓ જ્ઞાન શોધે છે;

²³ પણ અમે તો વધસ્તંભે જડાએલા ખ્રીસ્તને પગત કરીએ છીએ, તે તો યહુદીઓને ઠોકર, ને હેલેનીઓને મૂર્ખપણું લાગે છે;

²⁴ પણ જે તેડાયલા, પછી તે યહુદી હોય કે હેલેની હોય, તેઓને ખ્રીસ્ત દેવનું પરાક્રમ તથા દેવનું જ્ઞાન છે.

²⁵ કારણ કે દેવનું જે મૂર્ખપણું તે માણસો કરતાં જ્ઞાની છે, ને દેવનું જે અબળપણું તે માણસો કરતાં શક્તિવાન છે.

²⁶ કેમકે ભાઈઓ, તમે તમારા તેડાને જુઓ છો, કે દેહ પ્રમાણે ઘણા જ્ઞાનીઓ, ઘણા પરાક્રમીઓ, ઘણા કુળવંતો [તેડાયલા] નથી;

²⁷ પણ દેવે જ્ઞાનીઓને લજાવવા સારૂ જગતના અબળોને પસંદ કર્યા છે,

²⁸ ને જે છે તેઓને વ્યર્થ કરવા સારૂ, દેવે જગતના અકુલીનોને તથા ધિક્કારેલાઓને તથા જે નથી તેઓને પણ પસંદ કર્યા છે,

²⁹ કે માનવી જાત તેની આગળ અભિમાન ન કરે.

³⁰ પણ તેનાથી ઇસુ ખ્રીસ્તમાં તમે છો, અમે એ આપણને સારૂ દેવ પાસેથી જ્ઞાન તથા ન્યાયીપણું તથા પવિત્રીકરણ તથા ઉદ્ધાર થયો;

³¹ એ માટે કે જેમ લખ્યું છે તેમ, જે અભિમાન કરે તે પ્રભુમાં અભિમાન કરે.