² કેમકે જે અન્ય ભાષા બોલે છે, તે માણસની સાથે નહિ, પણ દેવની સાથે બોલે છે, કાંજે કોઇ તેનું સમજતું નથી, પણ આત્માએ તે મર્મો બોલે છે.

³ પણ જે ભવિષ્યવાદ કરે છે, તે સંસ્થાપન તથા સુબોધ તથા દિલાસાને સારૂ માણસો સાથે બોલે છે.

⁴ અને જે અન્ય ભાષા બોલે છે તે પોતાનું સંસ્થાપન કરે છે; પણ જે ભવિષ્યવાદ કરે છે તે મંડળીનું સંસ્થાપન કરે છે.

⁵ મારી ઈચ્છા છે કે, તમે સઘળા ભાષાઓ બોલો, પણ વિશેષ કે તમે ભવિષ્યવાદ સમજાવો; કેમકે ભાષાઓ બોલનાર, જો મંડળીના સંસ્થાપનને સારૂ વ્યાખ્યાન ન કરે, તો તે કરતાં ભવિષ્યવાદ સમજાવનાર મોટો છે.

⁶ અને, ભાઈઓ, જો હું ભાષાઓ બોલતો તમારી પાસે આવું, ને જો પ્રકટીકરણથી, કે જ્ઞાનથી, કે ભવિષ્યવાદથી, કે શિખામણથી તમારી પાસે ન બોલું તો તમને શો લાભ કરૂં?

⁷ એમજ અવાજ કાઢનારી નિર્જીવ વસ્તુઓ, પછી તે વાંસળી હોય કે વીણા હોય, એ જો નાદનો ફેર ન પાડે, તો વાંસળી કે વીણા શું વગાડે છે તે કેમ જણાશે?

⁸ કેમકે જો રણશીંગડું સાફ વીણા ન કાઢે, તો કોણ લડાઇની તૈયારી કરશે?

⁹ એમજ તમે પણ જો જીભવડે સાફ વાત ન કરો તો બોલેલી વાત કેમ સમજાય? કેમકે તમે હવામાં બોલનારા થશો.

¹⁰ જગતમાં એટલી બધી જાતના અવાજો હશે, ને તેઓમાંના કોઇ અર્થ વગરના નથી,

¹¹ એ માટે જો હું અવાજનો અર્થ ન જાણું, તો બોલનારને હું મ્લેચ્છ ગણાઈશ, ને બોલનાર મને મ્લેચ્છ ગણશે.

¹² એ પ્રમાણે તમે આત્મિક દાનો ચાહો છો, માટે આસ્થાથી શોધો કે મંડળીના સંસ્થાપનને સારૂ તમે તેમાં વૃદ્ધિ પામો.

¹³ તે માટે અન્ય ભાષા બોલનારે પોતાથી વ્યાખ્યાન થાય, એવી પ્રાર્થના કરવી.

¹⁴ કેમકે જો હું અન્ય ભાષાએ પ્રાર્થના કરૂં, તો મારો આત્મા પ્રાર્થના કરે છે, પણ મારૂં મન નિષ્ફળ છે.

¹⁵ તો શું? હું આત્માથી પ્રાર્થના કરીશ ને મનથી પણ પ્રાર્થના કરીશ, આત્માથી ગાઈશ ને મનથી પણ ગાઈશ.

¹⁶ નહિ તો જો તું આત્માથી સ્તુતિ કરીશ તો જે અભણની જગ્યામાં બેસે છે, તે તારી સ્તુતિની વાત પર કેમ આમેન કહેશે? કેમકે તું શું કહે છે એ તે જાણતો નથી.

¹⁷ કેમકે તું સારી પેઠે સ્તુતિ કરે છે; પણ બીજાનું સંસ્થાપન થતું નથી.

¹⁸ હું દેવનો ઉપકાર માનું છું, કે તમ સર્વ કરતાં વધારે ભાષાઓ મને બોલતાં આવડે છે.

¹⁹ તોપણ મંડળીમાં અન્ય ભાષાથી દસ હજાર શબ્દ બોલવા, તે કરતાં બીજાઓને શિખવવા હું પાંચ શબ્દ પોતાના મનથી બોલું એ મને સારૂ લાગે.

²⁰ ભાઈઓ, બુદ્ધિમાં બાળક ન થાઓ; પણ ભુંડાઇમાં બાળકો થાઓ, ને બુદ્ધિમાં પ્રૌઢ થાઓ.

²¹ નિયમશાસ્ત્રમાં લખ્યું છે કે, અન્ય ભાષાઓથી તથા અન્ય હોઠોથી હું આ લોકની સાથે બોલીશ, તોપણ તેઓ મારૂં ન સાંભળશે, એમ પ્રભુ કહે છે.

²² એ માટે ભાષાઓ વિશ્વાસીઓને નહિ, પણ અવિશ્વાસીઓને નિશાણીરૂપ છે. પણ ભવિષ્યવાદ અવિશ્વાસીઓને નહિ પણ વિશ્વાસીઓને સારૂ છે.

²³ એ માટે જો આખી મંડળી એકઠી આવે, ને સઘળા ભાષાઓ બોલે, ને જો અભણો કે અવિશ્વાસીઓ પેસે તો શું તેઓ કહેશે નહિ, કે તમે ઘેલા છો?

²⁴ પણ જો સર્વ ભવિષ્યવાદ કરે, ને કોઇ અવિશ્વાસી કે અભણ પેસે તો બધાથી તેને શિખામણ મળે છે; બધાથી તે પરખાય છે;

²⁵ ને તેના હૃદયની ગુપ્ત વાતો પ્રગટ કરાય છે; ને એમ દેવ તમારામાં ખરેખરો છે એવું પ્રગટ કરીને, તે સર્વની આગળ ઉંધો પડીને દેવનું ભજન કરશે.

²⁶ તો ભાઈઓ, શું છે? જયારે તમે એકઠા થાઓ છો ત્યારે તમારામાંના પ્રત્યેકને ગીત કે શિખામણ કે પ્રકટીકરણ કે અન્ય ભાષા કે વ્યાખ્યાન છે; સંસ્થાપનને સારૂ સર્વ થવું જોઈએ.

²⁷ જો કોઇ અન્ય ભાષા બોલે, તો બે અથવા ઘણામાં ઘણા તો ત્રણ માણસ, ને અનુક્રમે બોલે; ને એકે વ્યાખ્યાન કરવું.

²⁸ પણ જો વ્યાખ્યાન કરનાર ન હોય તો મંડળીમાં તેણે છાના રહેવું, ને પોતાની તથા દેવની સાથે બોલવું.

²⁹ બે કે ત્રણ ભવિષ્યવાદીઓ બોલે, ને બીજાઓ પારખે.

³⁰ પણ જો બેઠેલાંઓમાંના કોઈને કંઈ પ્રગટ થયું, તો પહેલાએ છાના રહેવું.

³¹ કેમકે તમે સર્વ એક પછી એક ભવિષ્યવાદ કહી શકો છો, કે અરવ શિખે તથા અરવ દિલાસો પામે.

³² અને ભવિષ્યવાદીઓના આત્માઓ ભવિષ્યવાદીઓને આધીન છે.

³³ કેમકે દેવ ગદ્બદનો નથી, પણ શાંતિનો દેવ છે; જેમ પવિત્રોની સર્વ મંડળીઓમાં [ચાલે છે] તેમ.

³⁴ તમારી બાયડીઓએ મંડળીઓમાં છાના રહેવું; કેમકે બોલવાનો તેઓને અધિકાર નથી, પણ આધીન રહેવાનો, ને એમ નિયમશાસ્ત્ર પણ કહે છે.

³⁵ પણ જો તેઓ કંઈ શિખવા ચાહે, તો તેઓએ ઘરમાં પોતાન વારોને પુછવું; કેમકે મંડળીમાં બાયડીઓએ બોલવું એ લાજની વાત છે.

³⁶ શું તમારી પાસેથી દેવની વાત નીકળી? કે શું તે એકલા તમને મળી છે?

³⁷ જો કોઇ પોતાને ભવિષ્યવાદી કે આત્મિક ધારે, તો જે વાતો હું લખું છું તેઓ પ્રભુની આજ્ઞાઓ છે એવું તેણે જાણવું.

³⁸ અને જો કોઇ આજ્ઞાની હોય તો અજ્ઞાની રહે.

³⁹ એ માટે, ભાઇઓ, ભવિષ્યવાદ કરવાને ચાહો, ને અન્ય ભાષાઓ બોલવાને ન નિવારો.

⁴⁰ શોભતી રીતે તથા અનુક્રમે સર્વ થાય.