¹ ସେଥିରେ ମହାଯାଜକ ପଚାରିଲେ,ଏହି ସମସ୍ତ କଥା କି ସତ୍ୟ?

² ସେ କହିଲେ,ହେ ଭ୍ରାତୃ ଓ ପିତୃଗଣ,ଶ୍ରବଣ କରନ୍ତୁ |ଆମ୍ଭମାନଙ୍କର ପିତା ଅବ୍ରାହାମ ହାରୋଣରେ ବାସ କରିବା ପୁର୍ବେ ଯେତେବେଳେ ସେ ମେସପତାମିଆରେ ଥିଲେ,ସେତେବେଳେ ସେ ଗୌରବମୟ ଈଶ୍ୱର ତାହାଙ୍କୁ ଦର୍ଶନ ଦେଇ କହିଲେ,

³ ତୁମ୍ଭେ ସ୍ୱଦେଶରୁ ଓ ଆପଣା ଆତ୍ମୀୟମାନଙ୍କ ମଧ୍ୟରୁ ବାହାରିଆସ,ପୁଣି ଆମ୍ଭେ ତୁମ୍ଭକୁ ଯେଉଁ ଦେଶ ଦେଖାଇବା,ସେହି ଦେଶକୁ ଯାଅ |।

⁴ ସେଥିରେ କଲଦୀୟମାନଙ୍କ ଦେଶରୁ ବାହାରି ସେ ହାରୋଣରେ ବାସ କଲେ,ପୁଣି ତାହାଙ୍କ ପିତାଙ୍କ ମୃତୁ ଉତ୍ତାରେ ସେଠାରୁ,ଆପଣମାନେ ଏବେ ଯେଉଁ ଦେଶରେ ବାସ କରୁଅଛନ୍ତି,ଏହି ଦେଶକୁ ଇଶ୍ୱର ତାହାଙ୍କୁ ଘେନିଆସିଲେ,

⁵ ଆଉ,ସେ ତାହାଙ୍କୁ ସେଥିରେ କୌଣସି ଅଧିକାର ଦେଲେ ନାହିଁ,ନା,ଏକ ପାଦ ପରିମିତ ଭୂମି ହିଁ ଦେଲେ ନାହିଁ,ପୁଣି ସେତେବେଳେ ତାହାଙ୍କର ସନ୍ତାନ ନ ଥିଲେ ସୁଦ୍ଧା ସେ ତାହାଙ୍କୁ ଓ ତାହାଙ୍କ ଭବିଷ୍ୟଦ ବଂଶଧରକୁ ତାହା ଅଧିକାର କରିବା ନିମନ୍ତେ ଦେବେ ବୋଲି ପ୍ରତିଜ୍ଞା କଲେ |।

⁶ ଈଶ୍ୱର ଏହିପରି କହିଲେ,ତାହାଙ୍କ ବଂଶ ବିଦେଶରେ ପ୍ରବାସରେ କରିବେ ଏବଂ ସେ ସ୍ଥାନର ଲୋକେ ସେମାନଙ୍କୁ ଚାରିଶ ବର୍ଷ ପର୍ଯ୍ୟନ୍ତ ଦସତ୍ୱବରେ ରଖି ସେମାନଙ୍କ ପ୍ରତି ଦୌରାତ୍ମ୍ୟା କରିବେ |।

⁷ ପୁଣି ଇଶ୍ୱର କହିଲେ,ସେମାନେ ଯେଉଁ ଜାତିର ଦାସ ହେବ,ଆମ୍ଭେ ତାହାର ବିଚାର କରିବା;ତତ୍ପରେ ସେମାନେ ବାହାରିଆସି ଏହି ସ୍ଥାନରେ ଆମ୍ଭର ଉପାସନା କରିବେ |।

⁸ ଆଉ ସେ ତାହାଙ୍କୁ ସୁନ୍ନତବିଧି ପ୍ରଦାନ କଲେ,ପୁଣି ତଦନୁସାରେ ଅବ୍ରାହମ ଇସାକଙ୍କୁ ଜନ୍ମ ଦେଇ ଅଷ୍ଟମ ଦିନରେ ତାହାଙ୍କୁ ସୁନ୍ନତ୍ କଲେ;ଯିସାହକ ଯାକୁବ ଦ୍ୱାଦଶ ପିତୃକୁଳପତିଙ୍କୁ ଜନ୍ମ ଦେଇ ସେପରି କଲେ |।

⁹ ପିତୃକୁଳପତିମାନେ ଯୋଷେଫଙ୍କୁ ଇର୍ଷା କରି ମିସରକୁ ନିଆଯିବା ନିମନ୍ତେ ତାହାଙ୍କୁ ବିକ୍ରୟ କଲେ;କିନ୍ତୁ ଈଶ୍ୱର ତାହାଙ୍କ ସହିତ ଥିଲେ,

¹⁰ ପୁଣି,ତାହାଙ୍କ ସମସ୍ତ କ୍ଲେଶରୁ ତାହାଙ୍କୁ ଉଦ୍ଦାର କରି ମିସରର ରାଜା ଫାରୋଙ୍କ ସାକ୍ଷାତରେ ତାହାଙ୍କୁ ଅନୁଗ୍ରହ ଓ ଜ୍ଞାନ ପ୍ରଦାନ କଲେ;ସେଥିରେ ପାରୋ ତାହାଙ୍କୁ ମିସର ଓ ଆପଣା ସମସ୍ତ ଗୃହର ଶାସନକର୍ତ୍ତାସ୍ୱରୂପେ ନିଯୁକ୍ତ କଲେ |।

¹¹ ପରେ ସମସ୍ତେ ମିସର ଓ କିଣାନରେ ଦୁର୍ଭିକ୍ଷ ପଡ଼ିଲା,ପୁଣି ମହାକ୍ଲେଶ ଘଟିଲା,ଆମ୍ଭମାନଙ୍କ ପିତୃପୁରୁଷମାନେ ଭକ୍ଷ୍ୟ ପାଇ ପାରିଲେ ନାହିଁ |।

¹² କିନ୍ତୁ ମିସରରେ ଶସ୍ୟ ଅଛି ବୋଲି ଶୁଣି ଯାକୁବ ଆମ୍ଭେମାନଙ୍କ ପିତୃପୁରୁଷମାନଙ୍କୁ ପ୍ରଥମରେ ପ୍ରେରଣ କଲେ |।

¹³ ପୁଣି ଦ୍ୱତୀୟ ଥର ଯୋଷେଫ ଆପଣା ଭାଇମାନଙ୍କ ନିକଟରେ ପରିଚିତ ହେଲେ,ଆଉ ଫାରୋ ଯୋଷେଫଙ୍କ ଜାତିର ପରିଚୟ ପାଇଲେ |।

¹⁴ ତତ୍ପରେ ଯୋଷେଫ ଆପଣା ପିତା ଯାକୁବ ଓ ପଞ୍ଚସ୍ତରି ଜଣ ଜ୍ଞାତିକୁଟୁମ୍ବ ସମସ୍ତଙ୍କୁ ଡକାଇପଠାଇଲେ |ସେଥିରେ ଯାକୁବ ମିସରକୁ ଗଲେ,

¹⁵ ପୁଣି ସେ ନିଜେ ଓ ଆମ୍ଭମାନଙ୍କର ପିତୃପୁରୁଷମାନେ ପ୍ରାଣତ୍ୟାଗ କଲେ,

¹⁶ ଆଉ ସେମାନେ ଶିଖେମକୁ ନିଆଯାଇ,ଅବ୍ରାହାମ ସେଠାରହମୋର ସନ୍ତାନମାନଙ୍କଠାରୁ ଯେଉଁ ସମାଧି ରୌପ୍ୟ ମୁଲ୍ୟ ଦେଇ କ୍ରୟ କରିଥିଲେ,ସେଥିରେ ସମାଧିସ୍ଥ ହେଲେ |।

¹⁷ କିନ୍ତୁ ଈଶ୍ୱର ଅବ୍ରାହାମଙ୍କ ନିକଟରେ ଯେଉଁ ପ୍ରତିଜ୍ଞା କରିହଥିଲେ,ସେହି ପ୍ରତିଜ୍ଞା ସଫଳ ହେବା ସମୟ ସନ୍ନିକଟ ହୁଅନ୍ତେ ଲୋକମାନେ ମିସରରେ ବୃଦ୍ଧି ପାଇ ବହୁସଂଖ୍ୟାକ ହୋଇ ଉଠିଲେ |।

¹⁸ ଅବଶେଷରେ ମିସରରେ ଆଉ ଜଣେ ରାଜ ହେଲେ,ସେ ଯୋଷେଫଙ୍କୁ ଜାଣି ନଥିଲେ |।

¹⁹ ସେ ଆମ୍ଭମାନଙ୍କ ଜାତି ପ୍ରତି ଖଳ ବ୍ୟବହାର କଲେ,ପୁଣି ଆମ୍ଭମାନଙ୍କ ପିତୃପୁରୁଷମାନେ ଯେପରି ଆପଣା ଆପଣା ସନ୍ତାନମାନଙ୍କୁ ଜୀବିତ ନ ରହିବା ପାଇଁବାହାରେ ପକାଇଦିଅନ୍ତି,ଏଥିନିମନ୍ତେ ସେମାନଙ୍କ ପ୍ରତି ଦୌରାତ୍ମ୍ୟ କଲେ |।

²⁰ ସେହି ସମୟରେ ମୋଶା ଜନ୍ମ ହେଲେ,ସେ ଦିବ୍ୟ ସୁନ୍ଦର ଥିଲେ ଓ ତିନି ମାସ ପର୍ଯ୍ୟନ୍ତ ଆପଣା ପିତାଙ୍କ ଗୃହରେ ପ୍ରତିପାଳିତ ହେଲେ |।

²¹ ପରେ ସେ ଯେତେବେଳେ ବାହାରେ ପକାଗଲେ,ସେତେବେଳେ ଫାରୋଙ୍କ କନ୍ୟା ତାହାଙ୍କୁ ଉଠାଇନେଇ ଆପଣା ପୁତ୍ରରୂପେ ପ୍ରତିପାଳନ କଲେ |।

²² ଆଉ ମୋଶା ମିସରୀୟାମାନଙ୍କ ସମସ୍ତ ବିଦ୍ୟାରେ ଶିକ୍ଷିତ ହୋଇ ବାକ୍ୟ ଓ କର୍ମରେ ପରାକ୍ରମୀ ହେଲେ |।

²³ ତାହାଙ୍କଚାଳିଶ ବର୍ଷ ପୂର୍ଣ୍ଣ ହେଉଥିବା ସମୟରେ ଆପଣା ଭାଇମାନେଙ୍କୁ,ଅର୍ଥାତ୍ ଇସ୍ରାୟେଲ ସନ୍ତାନମାନଙ୍କୁ,ସଂଖୋଳିବା ନିମନ୍ତେ ତାହାଙ୍କ ଇଚ୍ଛା ଜାତ ହେଲା |।

²⁴ ସେତେବେଳେ ଜଣକ ପ୍ରତି ଅନ୍ୟାୟ କରାଯାଉଥିବା ଦେଖି ସେ ତାହାର ସପକ୍ଷ ହେଲେ ଓ ସେହି ମିସରୀୟଲୋକକୁ ବଧ କରି ଉପଦ୍ରବ ପାଉଥିବା ଲୋକ ପ୍ରତି ଅନ୍ୟାୟର ପ୍ରତିକାର କଲେ |।

²⁵ ତାହାଙ୍କ ହସ୍ତ ଦ୍ୱାରା ଈଶ୍ୱର ଯେ ତାହାଙ୍କ ଭାଇମାନଙ୍କୁ ଉଦ୍ଦାର କରୁ ଅଛନ୍ତି,ଏହା ସେମାନେ ବୁଝିବେ ବୋଲି ସେ ମନେ କରିଥିଲେ,କିନ୍ତୁ ସେମାନେ ବୁଝିଲେ ନାହିଁହେଉଥିବା ସମୟରେ ସେ ଦେଖା ଦେଇ ସେମାନଙ୍କୁ |।

²⁶ ପରଦିନ ସେମାନେ ମରାମାରୀ ହେଉଥିବା ସମୟରେ ସେ ଦେଖା ଦେଇ ସେମାନଙ୍କୁ ମିଳିନ କରିବା ଉଦ୍ଦେଶ୍ୟରେ କହିଲେ,ଆହେ,ତୁମ୍ଭେମାନେ ପରସ୍ପର ଭାଇ,କାହିଁକି ଏକ ଆରେକ ପ୍ରତି ଅନ୍ୟାୟ କରୁଅଛ।

²⁷ କିନ୍ତୁ ଯେଉଁ ଜଣକ ପ୍ରତିବାସୀ ପ୍ରତି ଅନ୍ୟାୟ କରୁଥିଲା,ସେ ତାହାଙ୍କୁ ପେଲିଦେଇ କହିଲା,କିଏ ତୁମ୍ଭକୁ ଆମ୍ଭମାନଙ୍କ ଉପରେ ଶାସନ କର୍ତ୍ତା ଓ ବିଚାରକସ୍ୱରୂପେ ନିଯୁକ୍ତ କଲା।

²⁸ କଲି ଯେପରି ସେହି ମିସରିୟକୁ ବଧ କରିଥିଲ,ସେପରି କି ମୋତେ ବଧ କରିବାକୁ ଇଚ୍ଛା କରୁଅଛ।

²⁹ ଏହି କଥା ଶୁଣି ମୋଶା ପଳାଇଯାଇ ମିଦିୟାନ ଦେଶରେ ପ୍ରବାସୀ ହେଲେ;ସେଠାରେ ତାହାଙ୍କର ଦୁଇ ପୁତ୍ର ଜନ୍ମ ହେଲେ|।

³⁰ ପରେ ଚାଳିଶ ବର୍ଷ ପୂର୍ଣ୍ଣ ହୁଅନ୍ତେ ସିନୟ ପର୍ବତରେ ପ୍ରାନ୍ତରରେ ଜଣେ ଦୂତ ଗୋଟିଏ ବୁଦାର ଅଗ୍ନିଶିଖାରେ ତାହାଙ୍କୁ ଦର୍ଶନ ଦେଲେ |।

³¹ ମୋଶାସେହିଦୃଶ୍ୟ ଦେଖି ଚମତ୍କୃତ ହେଲେ,ପୁଣି ଭଲରୂପେ ଦେଖିବା ନିମନ୍ତେ ନିକଟକୁ ଯାଉଥିବା ସମୟରେ ପ୍ରଭୁଙ୍କର ଏହି ବାଣୀ ହେଲା,

³² ଆମ୍ଭେ ତୁମ୍ଭେ ପିତୃପୁରୁଷମାନଙ୍କ ଈଶ୍ୱର,ଅବ୍ରାହାମ,ଇସାକ ଓ ଯାକୁବର ଈଶ୍ୱର|ସେଥିରେ ମୋଶା କମ୍ଫି ଉଠି ଭଲରୂପେ ଦେଖିବାକୁ ସାହାସ କଲେ ନାହିଁ |।

³³ ତତ୍ପରେ ପ୍ରଭୁ ତାହାଙ୍କ କହିଲେ,ତୁମ୍ଭ ପଦରୁ ପାଦୁକା କାଡ଼ିଅ,କାରଣ ତୁମ୍ଭେ ଯେଉଁ ସ୍ଥାନରେ ଠିଆ ହୋଇଅଛ,ତାହା ପବିତ୍ର ଭୁମି |।

³⁴ ମିସରରେ ଆମ୍ଭର ଯେଉଁ ଲୋକମାନେ ଅଛନ୍ତି,ଆମ୍ଭେ ସେମାନଙ୍କର କ୍ଲେଶ ନିଶ୍ଚୟ ଦେଖିଅଛୁ ଓ ସେମାନଙ୍କର ଆର୍ତ୍ତନାଦ ଶୁଣିଛୁ,ପୁଣି ସେମାନଙ୍କୁ ଉଦ୍ଦାର କରିବା ନିମନ୍ତେ ଅବତରଣ କରିଅଛୁ,ଆଉ ଏବେ ଆସ,ଆମ୍ଭେ ତୁମ୍ଭକୁ ମିସରକୁ ପ୍ରେରଣ କରିବା |।

³⁵ କିଏ ତୁମ୍ଭକୁ ଶାସନକର୍ତ୍ତା ଓ ବିଚାରକସ୍ୱରୂପେ ନିଯୁକ୍ତ କଲା ବୋଲେ କହି ଏହି ଯେଉଁ ମୋଶାଙ୍କୁ ସେମାନେ ହଗ୍ରହ୍ୟ କଲେ,ତାହାଙ୍କୁ ଈଶ୍ୱର ବୁଦାରେ ଦର୍ଶନ ଦେଇଥିବା ଦୂତଙ୍କ ସହାୟତାରେ ଶାସକ ଓ ଉଦ୍ଦାରକର୍ତ୍ତା କରି ପ୍ରେରଣ କଲେ |।

³⁶ ଏହି ବ୍ୟକ୍ତିମିସର ଦେଶ, ସୂଫ ସାଗର ଓ ଚାଳିଶ ବର୍ଷ ପର୍ଯ୍ୟନ୍ତ ପ୍ରାନ୍ତରରେ ନାନା ଅଦ୍ଭୁତ କର୍ମ ଓ ଲକ୍ଷଣ ସାଧନ କରି ସେମାନଙ୍କୁ ବାହାର କରି ଆଣିଲେ |।

³⁷ ଏହି ମୋଶା ଇସ୍ରାୟେଲର ସନ୍ତାନମାନଙ୍କୁ କହିଲେ,ଈଶ୍ୱରତୁମ୍ଭେମାନଙ୍କର ଭ୍ରାତୃଗଣଙ୍କ ମଧ୍ୟରୁ ତୁମ୍ଭମାନଙ୍କ ନିମନ୍ତେ ମୋହର ସଦୃଶ ଜଣେ ଭାବବାଦୀଙ୍କୀ ଉତ୍ପନ୍ନ କରିବେ |।

³⁸ ଏହି ବ୍ୟକ୍ତି ପ୍ରନ୍ତରସ୍ଥ ମଣ୍ଡଳୀ ମଧ୍ୟରେ ସୀନୟ ପର୍ବତରେ ତାହାଙ୍କ ସହିତ କଥା କହୁଥିବା ଦୂତଙ୍କ ଓ ଆମ୍ଭମାନଙ୍କ ପିତୃପୁରୁଷମାନଙ୍କ ମଧ୍ୟରେ ମଧ୍ୟସ୍ଥ ଥିଲେ;ସେ ତୁମ୍ଭମାନଙ୍କୁ ଦାନ କରିବା ନିମନ୍ତେ ଜୀବନ୍ତ ବକ୍ୟସମୁହ ପ୍ରାପ୍ତ ହେଲେ |।

³⁹ ଆମ୍ଭମାନଙ୍କର ପିତୃପୁରୁଷମାନେ ତାହାଙ୍କର ଆଜ୍ଞାବହ ହେବାକୁ ଇଚ୍ଛା ନ୍ କରି ତାହାଙ୍କୁ ଅଗ୍ରାହ୍ୟ କଲେ,ପୁଣି ଆପଣା ଆପଣା ହୃଦୟରେ ମିସରକୁ ବାହୁଡ଼ିଯାଇ ହାରୋଣଙ୍କୁ କହିଲେ,

⁴⁰ ଆମ୍ଭମାନଙ୍କ ଆଗେ ଆଗେ ଯିବା ନିମନ୍ତେ ଆମ୍ଭମାନଙ୍କ ପାଇଁ ଦେବତାମାନଙ୍କୁ ନିର୍ମାଣ କର,କାରଣ ଏହି ଯେଉଁ ମୋଶା ଆମ୍ଭମାନଙ୍କୁ ମିସର ଦେଶରୁ ବାହାର କରି ଆଣିଲେ,ତାହାଙ୍କ ପ୍ରତି କଅଣ ଘଟିଆଛି ତାହା ଆମ୍ଭେମାନେ ଜାଣୁ ନାହୁଁ |।

⁴¹ ଆଉ ସେହି ସମୟରେ ସେମାନେ ଗୋଟିଏ ଗୋବତ୍ସ ନିର୍ମାଣ କଲେ ଏବଂ ସେହି ପ୍ରତିମା ଉଦ୍ଦେଶ୍ୟରେ ବଳି ଉତ୍ସର୍ଗ କରି ଆପଣା ଆପଣା ହସ୍ତନିର୍ମିତ ବସ୍ତୁରେ ଆନନ୍ଦ କରିବାକୁ ଲାଗିଲେ|।

⁴² କିନ୍ତୁ ଈଶ୍ୱର ବିମୁଖ ହୋଇ ସେମାନଙ୍କୁ ଆକାଶବାହିନୀର ଉପାସନା କରିବାକୁ ଛାଡ଼ିଦେଲେ,ଯେପରି ଭାବବାଦୀମାନଙ୍କ ଶାସ୍ତ୍ରରେ ଲେଖା ଅଛି,ହ ଇସ୍ରାୟେଲ ବଂଶ,ପ୍ରାନ୍ତରରେ ଚାଳିଶ ବର୍ଷ ପର୍ଯ୍ୟନ୍ତ ତୁମ୍ଭେମାନେ କଅଣ ଆମ୍ଭ ଉଦ୍ଦେଶ୍ୟରେ ପଶୁବଳୀ ଓ ନୈବେଦ୍ୟ ଉତ୍ସରର୍ଗ କରିଥିଲ?

⁴³ ବରଂ ତୁମ୍ଭେମାନେ ପୂଜା କରିବା ନିମନ୍ତେ ଯେଉଁ ମୁର୍ତ୍ତିଗୁଡ଼ିକ ଗଢ଼ିଥିଲ,ସେହି ମୋଲଖର ତମ୍ବୁ ଓ ରମ୍ଭା ଦେବତାର ନକ୍ଷତ୍ରକୁ ତୁମ୍ଭେମାନେ ଘେନି ବହନ କଲ |ଏଣୁ ଆମ୍ଭେ ତୁମ୍ଭମାନଙ୍କୁ ବାବିଲର ଆର ପାଖକୁ ନିର୍ବାସିତ କରିବା |।

⁴⁴ ତୁମ୍ଭେ ଯେଉଁ ଆଦର୍ଶ ଦେଖିଅଚଛ,ତଦନୁସାରେ ସାକ୍ଷ୍ୟତମ୍ବୁ ନିର୍ମାଣ କର ବୋଲି ମୋଶାଙ୍କୁ ଯେ କହିଥିଲେ,ତାହାଙ୍କ ଆଦେଶଅନୁଯାୟୀ ଆମ୍ଭମାନଙ୍କ ପିତୃପୁରୁଷମାନେ ପ୍ରାନ୍ତରରେ ସାକ୍ଷ୍ୟତମ୍ବୁ ପାଇଥିଲେ |।

⁴⁵ ଆଉ ଆମ୍ଭମାନଙ୍କ ପିତୃପୁରୁଷମାନେ ତାହା ପ୍ରାପ୍ତ ହୋଇ,ଈଶ୍ୱର ସେମାନଙ୍କ ସମ୍ମୁଖରୁ ଯେଉଁ ଜାତିମାନଙ୍କୁବାହାର କରିଦେଲେ,ସେହି ଜାତିମାନଙ୍କ ଅଧିକାରରେ ସେମାନେ ଯିହୋଶୂୟଙ୍କ ନେତୃତ୍ୱରେ ପ୍ରବେଶ କରି ତାହା ଦାଉଦଙ୍କ ସମୟ ପର୍ଯ୍ୟନ୍ତ ରଖିଲେ |।

⁴⁶ ଦାଉଦ ଈଶ୍ୱରଙ୍କ ଦୃଷ୍ଟିରେ ଅନୁଗ୍ରହପାତ୍ର ହୋଇ ଯକୁବଙ୍କର ଈଶ୍ୱରଙ୍କ ନିମନ୍ତେ ଗୋଟିଏ ବାସସ୍ଥାନ ଆୟୋଜନ କରିବା ପାଇଁ ପ୍ରାର୍ଥନା କଲେ |।

⁴⁷ କିନ୍ତୁ ଶଲମୋନ ତାହାଙ୍କ ନିମନ୍ତେ ଗୋଟିଏ ଗୃହ ନିର୍ମାଣ କଲେ |।

⁴⁸ ତଥାପି ଯେ ପରାତ୍ପର,ସେ ହସ୍ତନିର୍ମିତ ଗୃହରେ ବାସ କରନ୍ତି ନାହିଁ,ଯେପରି ଭାବବାଦୀ କହନ୍ତି।

⁴⁹ ,ସ୍ୱର୍ଗ ଆମ୍ଭର ସିଂହାସନ,ପୃଥିବୀ ଆମ୍ଭର ପାଦପୀଠ;ପ୍ରଭୁ କହନ୍ତି,ତୁମ୍ଭେମାନେ ଆମ୍ଭ ନିମନ୍ତେ କିପ୍ରକାର ଗୃହ ନିର୍ମାଣ କରିବକିମ୍ବା ଆମ୍ଭର ବିଶ୍ରାମସ୍ଥାନ କାହିଁ?

⁵⁰ ଆମ୍ଭର ହସ୍ତ କ'ଣ ଏହି ସମସ୍ତ ବିଷୟ ସୃଷ୍ଟି କରି ନାହିଁ।

⁵¹ ହେ ଶକ୍ତଗ୍ରିରିବ ପୁଣି ଅସୁନ୍ନତି ହୃଦୟ ଓ କର୍ଣ୍ଣ ବିଶିଷ୍ଟ ଲୋକ,ଆପଣମାନେ ସର୍ବଦ ପବିତ୍ର ଆତ୍ମାଙ୍କର ପ୍ରତିରୋଧ କରୁଅଛନ୍ତି;ଆପଣମାନଙ୍କର ପିତୃପୁରୁଷମାନେ ଯେପରି ଆପଣମାନେ ମଧ୍ୟମଧ୍ୟ ସେହିପରି |।

⁵² ଭାବବାଦୀମାନଙ୍କ ମଧ୍ୟରୁ କାହାକୁ ଆପଣମାନଙ୍କର ପିତୃପୁରୁଷମାନେମାନେ ତାଡ଼ନା କରି ନ ଥିଲେଯେଉଁମାନେ ସେହି ଧାର୍ମିକ ବ୍ୟକ୍ତିଙ୍କୁ ଆଗମନ ବିଷୟରେ ପୁର୍ବରୁ ଜଣାଇଥିଲେ,ସେମାନଙ୍କୁ ସେମାନେ ବଧ କଲେ;ଏବେ ଆପଣମାନେ ତାହାଙ୍କ ଶତ୍ରୁହସ୍ତରେ ସମର୍ପଣ କରି ବଧ କରିଅଛନ୍ତି;

⁵³ ଆପଣମାନେ ଦୂତମାନଙ୍କ ଦ୍ୱାରା ଆଦିଷ୍ଟ ବ୍ୟବସ୍ଥା ପାଇଥିଲେ,କିନ୍ତୁ ତାହା ପାଳନ କଲେ ନାହିଁ |।

⁵⁴ ଏହି ସମସ୍ତେ କଥା ଶୁଣି ସେମାନେ ମର୍ମାହତ ହେଲେ,ପୁଣି ତାହାଙ୍କ ପ୍ରତି ଦାନ୍ତ କଡ଼ମଡ଼ କରିବାକୁ ଲାଗିଲେ |।

⁵⁵ କିନ୍ତୁ ସେ ପବିତ୍ର ଆତ୍ମାରେ ପୂର୍ଣ୍ଣହୋଇ ସ୍ୱର୍ଗ ପ୍ରତି ସ୍ଥିର ଦୃଷ୍ଟିରେ ଚାହିଲେ,ଆଉ ଈଶ୍ୱରଙ୍କ ମହିମା ଓ ଯୀଶୁଙ୍କୁ ଈଶ୍ୱରଙ୍କ ଦକ୍ଷିଣ ପାର୍ଶ୍ୱରେ ଠିଆ ହୋଇଥିବା ଦେଖି କହିଲେ,

⁵⁶ ଦେଖନ୍ତୁ,ମୁଁ ସ୍ୱର୍ଗକୁ ଉନ୍ମକ୍ତ ଓ ମନୁଷ୍ୟପୁତ୍ରଙ୍କୁ ଈଶ୍ୱରଙ୍କ ଦକ୍ଷିଣ ପାଶ୍ୱରେ ଠିଆ ହୋଇଥିବା ଦେଖୁଅଛି |।

⁵⁷ କିନ୍ତୁ ସେମାନେ ଉଚ୍ଛ ସ୍ୱରରେ ଚିତ୍କାର କରି ଆପଣା କର୍ଣ୍ଣ ରୁଦ୍ଧ କଲେ କଲେ ଆଉଏକଯୋଗରେ ତାହାଙ୍କ ଉପରେ ମାଡ଼ିପଡ଼ିଲେ,

⁵⁸ ପୁଣି ସେମାନେ ତାହାଙ୍କ ନଗରରୁ ବାହାର କରିଦେଇ ପଥର ଫୋପାଡ଼ି ମାରିବାକୁ ଲାଗିଲେ;ଆଉ ସାକ୍ଷୀମାନେ ଶାଉଲ ନାମକ ଜଣେ ଯୁବକଙ୍କ ପାଦ ପାଖରେ ଆପଣା ଆପଣା ବସ୍ତ୍ର ରଖିଲେ |।

⁵⁹ ଯେତେବେଳେ ସେମାନେ ସ୍ତିପାନଙ୍କୁ ପଥର ଫୋପାଡ଼ି ମାରୁଥିଲେ,ସେତେବେଳେ ସେ ପ୍ରାର୍ଥନା କରି କହିଲେ, ହେ ପ୍ରଭୁ ଯୀଶୁ,ମୋହର ଆତ୍ମା ଗ୍ରହଣ କର |।

⁶⁰ ପୁଣି ସେ ଆଣ୍ଠୋଇପଡ଼ି ଉଚ୍ଛ ସ୍ୱରରେ ଡାକି କହିଲେ,ହେ ପ୍ରଭୁ, ଏହି ପାପ ଏମାନଙ୍କ ବିରୁଦ୍ଧ ଗଣନା କର ନାହିଁ |ସେ ଏହା କହିଲେ ମହାନିଦ୍ରା ପ୍ରାପ୍ତ ହେଲେ |।