¹ પાઉલ દેવનો દાસ, ઇસુ ખ્રીસ્તનો પ્રેરિત, દેવના પસંદ કરાએલાઓના વિશ્વાસને અર્થે, તથા સુભક્તિ પ્રમાણે સત્યના પુરા જ્ઞાનને અર્થે,

² અનંત જીવનની આશાએ જેનું વચન જુઠું ન બોલનાર દેવે અનાદિકાળથી આપ્યું,

³ તેના યોગ્ય સમયોમાં પોતાની વાત જણાવી, જેનું પ્રગટ કરવું આપણા તારનાર દેવની આજ્ઞા પ્રમાણે મને સોંપેલું છે;

⁴ સામાન્ય વિશ્વાસ પ્રમાણે ખરા પુત્ર તીતસને [લખે છે].દેવ બાપથી તથા આપણા તારનાર ખ્રિસ્ત ઈસુથી તને કુપા તથા શાંતિ થાઓ.

⁵ મેં એ કારણ માટે તને ક્રેતેમાં મુક્યો, ક જે અધૂરાં છે તે તું યથાસ્થિત કરે, ને જેમ મેં તને હુકમ કીધો, તેમ નગર નગરમાં તું વડીલો ઠરાવે.

⁶ જો કોઈ નિર્દોષ હોય, એક સ્ત્રીનો વર, જેનાં છોકરાં વિશ્વાસી, જેનાં ઉપર દુર્વ્યસનનું તહોમત મુકેલું નથી, અથવા આડાં નથી, [તેને ઠરાવવો].

⁷ કેમકે અધ્યક્ષે દેવના કારભારીના જેવા નિર્દોષ હોવું જોઈએ; સ્વચ્છંદી કે ક્રોધી કે મધપી કે મારનાર કે નીચ લાભ વિષે લોભી એવો નહિ.

⁸ પણ પરોણા રાખનાર, સારાંનો પ્રેમી, બુદ્ધિવાન, ન્યાયી, શુદ્ધ તથા સ્વદમન કરનાર,

⁹ ઉપદેશ પ્રમાણે વિશ્વાસુ વાતને દૃઢતાથી રાખનાર એવો જોઈએ, એ સારૂ કે શુદ્ધ ઉપદેશથી બોધ કરવાને તથા અટકાવનારાઓને મનાવવાને તે શક્તિવાન હોય.

¹⁰ કેમકે આડા, અમથું બોલનારા તથા ઠગનારા ઘણા છે, એઓ વિશેષ કરીને સુનતમાંના છે,

¹¹ તેઓના મ્હો બંધ કરવા જોઈએ; તેઓ જે ઘટતું નથી તે લજામણા લાભને સારૂ શિખવીને આખા ઘરનાંને ઉલટાવી નાખે છે.

¹² તેઓમાંના એકે એટલે તેમના એક કવિએ કહ્યું કે, ક્રેતીઓ સદા જુઠા, ભુંડા પશુ આળસુ પેટભરૂઓ છે.

¹³ અ શાહેદી ખરી છે. તે કારણ માટે તેઓને સખત રીતે ધમકાવ,

¹⁴ કે તેઓ યહુદીઓની કહાણીઓ પર તથા સત્યથી ફરનાર માણસના હુકમ પર ચિત્ત ન રાખતાં વિશ્વાસમાં ખરા થાય.

¹⁵ શુદ્ધોને સઘળું શુદ્ધ છે; પણ ભ્રષ્ટ તથા અવિશ્વાસીઓને કંઈ શુદ્ધ નથી, પણ તેઓનાં મન તથા અંતઃકારણ ભ્રષ્ટ થયેલાં છે.

¹⁶ અમે દેવને જાણીએ છીએ એવું તેઓ કબૂલ કરે છે, પણ કરણીઓથી તેણે નકારે છે; તેઓ અમંગળ, આજ્ઞાભંગી, ને સર્વ સારાં કામ વિષે ભ્રષ્ટ છે.