¹ અને ઇસુએ એ સર્વ વાતો પુરી કીધી ત્યારે એમ થયું કે તેણે પોતાના શિષ્યોને કહ્યું,

² તમે જાણો છો કે બે દહાડા પછી પાસ્ખા પર્વ છે; અને માણસના દીકરો વધસ્તંભે જડાવા સારૂ પરસ્વાધીન કરાય છે.

³ ત્યારે મુખ્ય યાજકો તથા લોકોનાં વડીલો કાયાફા નામે પ્રમુખ યાજકની કચેરીના એકઠા થયા.

⁴ અને ઇસુને કપટથી પકડીને મારી નાખવ માટે મનસુબો કીધો.

⁵ પણ તેઓએ કહ્યું કે, પર્વમાં નહિ, રખે લોકોમાં ગડબડ થાય.

⁶ અને ઇસુ બેથાનીઆમાં સીમોન કોઢીઆના ઘરમાં હતો.

⁷ ત્યારે અતિ મૂલ્યવાન અત્તરની સંગેમરમરની ડબ્બી લઈને એક બાયડી તેની પાસે આવી, ને તે જમવા બેઠો હતો ત્યારે તેના માથા પર તેણીએ તે રેડ્યું.

⁸ પણ તેનાં શિષ્યોએ તે દીઠું ત્યારે તેઓને ગુસ્સે થઈને કહ્યું કે, એ નુકસાન શા માટે?

⁹ કેમકે એ અત્તર ઘણે મૂલ્યે વેચાત, ને દરિદ્રીઓને અપાત.

¹⁰ ત્યારે ઇસુએ એ જાણીને તેઓને કહ્યું કે, એ બાયડીને તમે કેમ સતાવો છો? કેમકે એણે તો મારા પ્રત્યે ઉત્તમ કામ કીધું છે.

¹¹ કેમકે દરિદ્રી સદા તમારી સાથે છે, પણ હું સદા તમારી સાથે નથી.

¹² તેણે એ અત્તર મારી શરીર પર રેડ્યું એ તો મારા દટાવાણી તૈયારીને સારૂ તેણે કીધું.

¹³ હું તમને ખચિત કહું છું કે, આ સુવાર્ત્તા આખા જગતમાં જ્યાં કહીં પ્રસિદ્ધ કરાશે ત્યાં એણે જે કીધું છે તે પણ એના સંભારણાને સારૂ કહેવાશે.

¹⁴ ત્યારે યહુદા ઇસકારીઓત કહેવાએલા તે બારમાંના એકે મુખ્ય યાજકોની પાસે જઈને

¹⁵ કહ્યું કે, તેને હું તમારે સ્વાધીન કરું તો તમે મને શું આપવા રાજી છો? ને તેઓને તેને ત્રીસ રૂપીઆ તોળી આપ્યા.

¹⁶ અને ત્યારથી તેણે તેને પરસ્વાધીન કરવાનો લાગ શોધ્યા કીધો.

¹⁷ અને બેખમીર રોટલીના [પર્વને]] પહેલે દહાડે શિષ્યોએ ઈસુની પાસે આવીને કહ્યું કે, મે તારે વાસ્તે પાસ્ખા કાવાની ક્યાં તૈયારી કરીએ? તારી શી ઈચ્છા છે?

¹⁸ ત્યારે તેણે કહ્યું કે, નગરમાં ફલાણી પાસે જઈને તેને કહો, ઉપદેશક કહે છે કે મારો સમય પાસે આવ્યો છે, હું મારા શિષ્યો સુદ્ધાં તારે ઘેર પાસ્ખા પાળીશ.

¹⁹ અને ઇસુએ શિષ્યોને જેવી આજ્ઞા આપી હતી, તેવું તેઓને કીધું, ને પાસ્ખા તૈયાર કીધું.

²⁰ અને સાંજ પડી ત્યારે બાર શિષ્યોની સાથે તે જમવા બેઠો.

²¹ અને તેઓ જમતા હતા ત્યારે તેણે કહ્યું, હું તમને ખચિત કહું છું કે, તમારામાંનો એક મને પરસ્વાધીન કરશે.

²² ત્યારે તેઓ ઘણા શોકાતુર થયા, ને તેઓમાંનો હરેક તેને કહેવા લાગ્યો કે, પ્રભુ, શું તે હું છું?

²³ અને તેણે ઉત્તર દેતાં કહ્યું કે, જેણે મારી સાથે થાળીમાં હાથ ઘાલ્યો છે તેજ મને પરસ્વાધીન કરશે.

²⁴ માણસના દીકરા સંબંધી જેમ લખ્યું છે તેમ તે જાય છે ખરો; પણ જે માણસથી માણસનો દીકરો પરસ્વાધીન કરાય છે, તેને અફસોસ છે; જો તે માણસ જન્મ્યો ન હોત, તો તેને માટે સારૂ હોત.

²⁵ ત્યારે તેને પરસ્વાધીન કરનાર યહુદાએ ઉત્તર દેતાં કહ્યું, રાબી, શું તે હું છું? તેણે તેને કહે છે કે, તેં પોતેજ કહ્યું.

²⁶ અને તેઓ ભોજન કરતાં હતા ત્યારે ઇસુએ ર્રોટલી લઈને, તથા આશીર્વાદ માગીને ભાંગી, ને શિષ્યોને આપીને કહ્યું કે, લો, ખાઓ, એ મારું શરીર છે.

²⁷ અને તેણે વાટકો લઇને તથા સ્તુતિ કરીને તેઓને આપતાં કહ્યું કે, તમે સહુ એમાંનું પીઓ.

²⁸ કેમકે એ [નવો] કરારનું મારૂં લોહી છે, જે પાપોની માફીને અર્થે ઘણાઓને સારૂ વહેવડાવવામાં આવે છે.

²⁹ અને હુતામને કહું છું કે, હું મારા બાપના રાજ્યમાં તમારી સાથે નવો પીશે, તે દહાડા સુધી દ્રાક્ષરસ હવેથી હું પીનારજ નથી.

³⁰ અને તેઓ ગીત ગાયા પછી જૈતુનના પહાડ પર બહાર ગયા.

³¹ ત્યારે ઇસુ તેઓને કહે છે કે, તમે સહુ આજ રાત્રે મારા સંબંધી ઠોકર ખાશો; કેમકે એમ લખ્યું છે કે હું ઘેટાંપાળકને મારીશ, ને ટોળાનાં ઘેટાં વિખેરાઈ જશે.

³² પણ મારા ઉઠ્યા પછી હું તમારી અગાઉ ગાલીલમાં જઈશ.

³³ ત્યારે પીત્તરે ઉત્તર દેતાં તેને કહ્યું કે, જો બધા તારા સંબંધી ઠોકર ખાશે, તોપણ હું કદી ઠોકર નહિ ખાઈશ.

³⁴ ઇસુએ તેને કહ્યું, હું તને ખચિત કહું છું કે, આજ રાત્રે મરઘો બોલ્યા અગાઉ, ત્રણ વાર તું મારો નકાર કરીશ.

³⁵ પીતર તેને કહે છે કે, જો તારી સાથે મારે મરવું પડે તોપણ હું તારો નકાર નહિજ કરીશ.

³⁶ ત્યારે ઇસુ તેઓની સાથે ગેથસેમાને નામે એક ઠેકાણે આવે છે, ને શિષ્યોને કહે છે કે, હું પણે જઈને પ્રાર્થના કરૂં ત્યાં સુધી તમે અહીં બેસો.

³⁷ અને પીતરને તથા ઝબદીના બે દીકરાને સાથે લઈને પોતે શોકાતુર તથા ઉદાસ થવા લાગ્યો;

³⁸ ત્યારે તે તેઓને કહે છે કે, મારો જીવ મારવા જેવો ઘણો શોકાતુર છે, તમે અહીં રહીને મારી સાથે જાગતા રહો.

³⁹ પછી તેણે થોડે આધે જઈને ઉંધે મ્હોડે પડીને પ્રાર્થના કરતાં કહ્યું કે, ઓ મારા બાપ, જો બની શકે તો આ વાટકો મારાથી દૂર કર; તોપણ મારી ઈચ્છા પ્રમાણે નહિ, પણ તારી ઈચ્છા પ્રમાણે થાઓ.

⁴⁰ પછી શિષ્યોની પાસે તે આવે છે, ને તેઓને ઉંઘતા દેખીને પીતરને કહે છે, શું તમે એક ઘડી પણ મારી સાથે જાગતા રહી નથી શકતા?

⁴¹ તમે જાગતા રહો ને પ્રાર્થના કરો કે તમે પરીક્ષણમાં ન આવો; આત્મા તત્પર છે ખરો, પણ શરીર અબળ છે.

⁴² વળી બીજી વાર તેણે જઈને પ્રાર્થના કહ્યું, ઓ મારા બાપ, જો આ વાટકો મારા પીધા વગર મારી પાસેથી દૂર થઇ ન શકે તો તારી ઈચ્છા થાય.

⁴³ ત્યારે તેણે બીજી વાર આવીને તેઓને ઉંઘતા દીઠા; કેમકે તેઓની આંખો [ઉંઘતી] ભારે થઇ હતી.

⁴⁴ અને તે ફરીથી તેઓને મુકી ગયો, ને ત્રીજી વાર તેજ વાત કહેતાં તેણે પ્રાર્થના કીધી.

⁴⁵ ત્યારે તે પોતાના શિષ્યોની પાસે આવીને તેઓને કહે છે કે, હવે ઉંઘ્યા કરો, ને આરામ લો; જુઓ, ઘડી પાસે આવી છે, ને માણસનો દીકરો પાપીઓના હાથમાં પરસ્વાધીન કરાય છે.

⁴⁶ ઉઠો આપણે જઈએ; જુઓ, મને જે પરસ્વાધીન કરે છે તે પાસે આવ્યો છે.

⁴⁷ અને તે હજી બોલતો હતો, એટલામાં જુઓ, તે બારમાંનો એક, એટલે યહુદા, આવ્યો; ને તેની જોડે મુખ્ય યાજકોની તથા લોકોનાં વડીલોની પાસેથી ઘણા લોક તરવારો તથા સોટા લઈને આવ્યા.

⁴⁸ હવે તેને પરસ્વાધીન કરનારે તેઓને નિશાની આપી હતી કે, હું જેને ચુમીશ તેજ તે છે; તેને પકડી લેજો.

⁴⁹ અને તરત તેણે ઇસુની પાસે આવીને કહ્યું, રાબી સલામ' ને તેને ચુમ્યો;

⁵⁰ ને ઇસુએ તેને કહ્યું કે, મિત્ર, જે કરવાને તું આવ્યો છે તે કર. ત્યારે તેઓએ પાસે આવીને, ઇસુ પર હાથ નાખીને, તેને પકડી લીધો.

⁵¹ પછી જુઓ, ઇસુના સાથીઓમાંના એકે હાથ લાંબો કરીને પોતાની તરવાર કાઢી, ને પ્રમુખ યાજકના ચાકરને મારીને તેનો કાન કાપી નાખ્યો.

⁵² ત્યારે ઇસુ તેને કહે છે કે, મારી તરવાર તેનાં મ્યાનમાં પાછી ઘાલ; કેમકે જે સઘળાં તરવાર પકડે છે તેઓ તરવારથી નાશ પામશે.

⁵³ શું તું ધારે છે કે હું એવો શક્તિમાન નથી કે જો બાપની પાસે માગું, તો તે હમણાંજ દૂતોની બાર ફોજ કરતાં વધારે મારી પાસે મોકલી દેશે નહિ?

⁵⁴ તો જે ધર્મલેખો [માં લખેલું છે] કે એવું થવું જોઈએ, તે કેમ પુરૂં થશે?

⁵⁵ તેજ વેળા ઇસુએ લોકોને કહ્યું કે, તમે તરવારો તથા સોટા લઈને જેમ ચોરને તેમ મને પકડવા નીકળી આવ્યા છો શું? હું રોજ મંદિરમાં બેસીને બોધ કરતો હતો; ને તમે મને પકડ્યો નહતો;

⁵⁶ પણ ભવિષ્યવાદીઓના લેખો પુરા થાય માટે આ બધું થયું છે. ત્યારે બધા શિષ્યો તેને મુકીને નાઠા.

⁵⁷ પછી જેઓએ ઇસુને પકડ્યો હતો, તેઓ જ્યાં શાસ્ત્રીઓ તથા વડીલો એકઠા થયા હતા ત્યાં કાફાયા પ્રમુખ યાજકની પાસે તેને લઇ ગયા.

⁵⁸ અને પીતર આઘો આઘો તેની પાછળ પ્રમુખ યજાકની કચેરી સુધી ચાલ્યો, ને માંહે જઈને પરિણામ જોવાને ભાલદારોની સાથે બેઠો.

⁵⁹ અને મુખ્ય યાજકોએ તથા આખી ન્યાયસભાએ, ઇસુને મારી નાખવાને, તેની વિરુદ્ધ જુઠી શાહેદી શોધી;

⁶⁰ અને જો કે ઘણા જુઠા સાક્ષી આવ્યા, તોપણ તે ન જડી; પણ પાછળથી બે આવીને

⁶¹ બોલ્યા કે, એણે કહ્યું, હું દેવના મંદિરને પાડી નાખવાને તથા ત્રણ દહાડામાં તેને પાછું બાંધવાને સમર્થ છું.

⁶² ત્યારે પ્રમુખ યાજાકે ઉભા થઈને તેને કહ્યું, શું તું કંઈ ઉત્તર નથી દેતો? એઓ તારી વિરુદ્ધ શી શાહેદી આપે છે.

⁶³ પણ ઇસુ છાનો રહ્યો. ત્યારે પ્રમુખ યાજાકે તેને કહ્યું, હું તને જીવતા દેવના સમ ઘાલું છું કે, દેવનો દીકરો જે ખ્રીસ્ત તેજ તું છે કે નહિ, એ અમને કહે.

⁶⁴ ઇસુ તેને કહે છે કે, તેંજ કહ્યું, પરંતુ હું તમને કહું છું કે, હવે પછી માણસના દીકરાને પરાક્રમના જમણા હાથ પર બેઠેલો તથા આકાશના મેઘો પર આવતો તમે દેખશો.

⁶⁵ ત્યારે પ્રમુખ યાજકે પોતાના લૂગડાં ફાડીને કહ્યું કે, એણે દુર્ભાષણ કર્યું છે; આપણને બીજા શાહેદીઓની શી જરૂર છે? જુઓ, હવે તમે એ દુર્ભાષણ સાંભળ્યું છે.

⁶⁶ તમે શું ધારો છો? ને તેઓએ ઉત્તર દેતાં કહ્યું કે, એ મરણજોગ છે.

⁶⁷ ત્યારે તેઓએ તેના મ્હો પર થુંકીને તેને મુક્કી મારી; ને બીજાઓએ તેને થબડાકો મારતાં

⁶⁸ કહ્યું કે, ઓ ખ્રીસ્ત, તને કોણે માર્યો એ અમને કહી બતાવ.

⁶⁹ અને પીતર બહાર ચોકમાં બેઠો હતો, ત્યારે એક દાસીએ તેની પાસે આવીને કહ્યું કે, તું પણ ગાલીલના ઇસુ જોડે હતો.

⁷⁰ પણ તેણે સહુની આગળ નકાર કરતાં કહ્યું કે, જે તું કહે છે તે હું જાણતો નથી.

⁷¹ અને તે બહાર પરશાળમાં ગયો ત્યારે બીજીએ તેને દેખીને જેઓ ત્યાં હતા તેઓને કહ્યું કે, એ પણ ઇસુ નાઝારીની જોડે હતો.

⁷² પણ તેણે સમ ખાતાં ફરીથી નકાર કીધો કે, તે માણસને હું ઓળખતો નથી.

⁷³ અને થોડી વાર પછી પાસે ઉભેલાઓએ આવીને પીતરને કહ્યું કે, ખેરખર તું પણ તેઓમાંનો છે, કેમકે તારી બોલીથી તું જણાય આવે છે.

⁷⁴ ત્યારે તે શાપ દેવા તથા સમ ખાવા લાગ્યો કે, હું તે માણસને ઓળખતો નથી. અને તરતજ મરઘો બોલ્યો.

⁷⁵ અને જે વાત ઇસુએ પીતરને કહી હતી કે, મરઘો બોલ્યા અગાઉ ત્રણ વાર તું મારો નકાર કરીશ, તે તેને યાદ આવી; ત્યારે બહાર જઈને તે બહુ રડ્યો.