¹ અને સવાર થઇ ક તરત મુખ્ય યાજકોએ, વડીલો તથા શાસ્ત્રીઓ તથા આખી ન્યાયસભા સાથે મળીને મનસુબો કીધો, ને ઇસુને બાંધીને લઇ ગયા, ને પીલાતને સોંપી દીધો.

² અણ પીલાતે તેને પુછ્યું કે, શું તું યહુદીઓનો રાજા છે? ને તેણે ઉત્તર આપતાં તેને કહ્યું કે, તું કહે છે તેજ.

³ અને મુખ્ય યાજકોએ તે પર ઘણાં તોહોમત મુક્યાં.

⁴ અને પીલાતે ફરી તેને પુછતાં કહ્યું કે, શું તું કંઇજ ઉત્તર દેતો નથી? જો, તેઓ તારા પર કેટલાં બધાં તોહોમત મુકે છે!

⁵ પણ ઇસુએ બીજો કંઇ ઉત્તર દીધો નહિ, જેથી પીલાતને આશ્ચર્ય લાગ્યું.

⁶ અને આ પર્વમાં જે એક બંદીવાનને તેઓ માગે તેને તે છોડી દેતો.

⁷ અને કેટલાએક દંગો કરનારાઓએ દંગામાં ખૂન કર્યું હતું તેઓની સાથે કેદમાં પડેલો એવો એક બારાબાસ નામનો માણસ હતો.

⁸ અને લોકક ઉપર ચઢીને તેને વિનંતી કરવા લાગ્યા કે, જેમ તું અમારે સારું હમેશ કરતો, તે પ્રમાણે કર.

⁹ અને પીલાતે તેઓને ઉત્તર આપતાં કહ્યું કે, શું તમારી મરજી એવી છે કે, હું તમારે સારૂ યહુદીઓના રાજાને છોડું?

¹⁰ કેમકે તે જાણતો હતો કે મુખ્ય યાજકોએ અદેખાઇને લીધે તેને સોંપી દીધો હતો.

¹¹ પણ મુખ્ય યાજકોએ લોકને ઉશ્કેર્યો, એ સારૂ કે તેના કરતાં તે તેઓને વાસ્તે બારાબાસને છોડે.

¹² પણ પીલાતે ફરી તેઓને ઉત્તર આપતાં કહ્યું કે, જેને તમે યહુદીઓનો રાજા કહો છો, તેને હું શું કરું?

¹³ ને તેઓએ ફરી બૂમ પાડી કે, તેને વધસ્તંભે જડાવ.

¹⁴ અને પીલાતે તેઓને કહ્યું કે, શા માટે? તેણે શું ભુંડું કર્યું છે? પણ તેઓએ વિશેષ બૂમ પાડી કે, તેને વધસ્તંભે જડાવ.

¹⁵ આને પીલાતે લોકને રાજી કરવા ચહાતા તેઓને સારૂ બરાબાસને છોડ્યો; ને ઇસુને કોરડા મરાવીને વધસ્તંભે જડવા સારું સોંપ્યો.

¹⁶ અણ સિપાઈઓ તેને પ્રેતોરિયમ નામે કચેરીમાં લઇ ગયા; ને તેઓએ આખી ટુકડી એકઠી કીધી.

¹⁷ અને તેઓએ તેને જાંબુઓ જભ્ભો પહેરાવ્યો, અણ કાંટાનો મુગટ ગુંથીને તેણે માટે મુક્યો;

¹⁸ ને, હે યહુદીઓના રાજા, સલામ! એમ કહીને તેને નમસ્કાર કરવા લાગ્યા.

¹⁹ અને તેઓએ તેના માથામાં સોટી મારી, ને તેના પર થુંક્યા, ને ઘૂંટણ ટેકીને તેની આગળ નમ્યા.

²⁰ અને તેના ઠઠ્ઠા કરી રહ્યા પછી તેઓએ તેના પરથી જાંબુઓ જભ્ભો ઉતાર્યો, ને તેનાં પોતાના લૂગડાં તેને પહેરાવ્યાં; ને વધસ્તંભે જડવા સારૂ તેને લઇ ગયા.

²¹ આને સીમોન કરીને એક કુરેની માણસ જે આલેકસાંદરનો તથા રૂફસનો બાપ હતો, તે સીમમાંથી આવતાં ત્યાં થઈને જતો હતો, તેની પાસે તેઓએ બલાત્કારે તેનો વધસ્તંભ ઉંચકાવ્યો.

²² અને ગલગથા નામની જગ્યા, જેનો અર્થ ખોપરીના જગ્યા કે, ત્યાં તેઓ તેણે લાવે છે.

²³ અને તેઓએ બોળ ભેળેલો દ્રાક્ષરસ તેને [પીવાને આપવા માંડ્યા; પણ તેણે લીધે નહિ.

²⁴ અને તેઓએ તેને વધસ્તંભે જડ્યો, ને પ્રત્યેક કયો ભાગ લેવો, તે જાણવા મારે ચિઠ્ઠીઓ નાખોને તેઓએ તેનાં વસ્ત્ર માહોમાંહે વહેંચી લીધા.

²⁵ અને ત્રીજો કલાક હતો, ત્યારે તેઓએ તેને વધસ્તંભે જડ્યા.

²⁶ અને તેના ઉપર તેનું એવું તોહોમતનામું લખ્યું હતું કે યહુદીઓનો રાજા.

²⁷ અને તેની સાથે બે લુતારને વધસ્તંભે જડ્યા, એક તેની જમણી તરફ, ને એક તેની ડાબી તરફ.

²⁸ [[અને જે લેખ કહે છે કે તે અપરાધીઓમાં ગણાયો, તે પુરો થયો]].

²⁹ અને પાસે થઈને જનારાઓએ તેની નિંદા કરી તથા માથાં હલાવીને કહ્યું કે, વાહરે, મંદિરને પાડી નાખનાર તથા ત્રણ દહાડામાં બાંધનાર,

³⁰ તું પોતાને બચાવ, ને વધસ્તંભ પરથી ઉતર.

³¹ અને એજ પ્રમાણે મુખ્ય યાજકોએ મહોમાંહે શાસ્ત્રીઓ સુદ્ધાં ઠઠ્ઠા કરીને કહ્યું કે, તેણે બીજાઓને બચાવ્યા, પણ પોતાને બચાવી શકતો નથી.

³² ઇસ્રાએલનો રાજા, ખ્રીસ્ત, હમણાં વધસ્તંભ પરથી ઉતરી આવે, કે અમે જોઇને વિશ્વાસ કરીએ.અને જેઓ તેની સાથે વધસ્તંભે જડાએલા હતા તેઓએ તેની નિંદા કીધી.

³³ અને છઠ્ઠો કલાક થયો, ત્યારે આખા દેશમાં નવમા કલાક સુધી અંધકાર પડ્યો.

³⁴ અને નવમા કલાકે ઇસુએ મોટે ઘાંટે બૂમ પાડે કે, એલોઇ, એલોઇ લામા સાબાખ્થાની, એટલે, મારા દેવ, મારા દેવ, તે મને કેમ મુકી દીધો છે?

³⁵ ને જેઓ પાસે ઉભા રહેલા હતા તેઓમાંના કેટલાએકે તે સાંભળી કહ્યું કે, જુઓ, તે એલીયાહને બોલાવે છે.

³⁶ અને એક માણસ દોડીને સિરકાથી વાદળી ભરી, ને લાકડાની ટોચે બાંધીને તેને ચુસવા આપીને કહ્યું કે, રહેવા ડો, આપણે જોઇએ કે, એલીયાહ તેને ઉતારવાને આવે છે કે નહિ.

³⁷ અને ઇસુએ મોટી બૂમ પાડીને પ્રાણ છોડ્યો.

³⁸ અને મંદિરનો પડદો ઉપરથી તે નીચે સુધી ફાટીને તેના બે ભાગ થયા.

³⁹ અને જે સુબેદાર તેની સામે ઉભો હતો, તેણે જયારે જોયું કે એણે આવી રીતે [[ઘાંટો પાડીને]] પ્રાણ છોડ્યો, ત્યારે કહ્યું કે, ખરેખર આ માણસ દેવનો દીકરો હતો.

⁴⁰ અને બાયડીઓ પણ વેગળેથી જોતી હતી; જેઓમાં મરિયમ માગદાલેણ, અને નાના યાકુબ તથા યોસીની મા મરિયમ, અને સાલોમે હતી;

⁴¹ એઓ, જયારે તે ગાલીલમાં હતો ત્યારે, તેની પાછળ ચાલીને તેની સેવા કરતી હતી; ને તેની સાથે યરૂશાલેમમાં આવેલી બીજી પણ ઘણી સ્ત્રીઓ [ત્યાં હતી].

⁴² અને સાંજ પડી ત્યારે સિદ્ધિકરણનો દિવસ, એટલે વિશ્રામવારની આગળનો દિવસ હતો, માટે,

⁴³ એક માનવંતો ન્યાયસભાસદ, એટલે આરમથાઈનો યુસફ આવ્યો, જે પોતે પણ દેવના રાજ્યની વાટ જોતો હતો; તેણે હિમ્મત ધરીને પીલાતની પાસે જઈને ઇસુની લાસ માગી.

⁴⁴ અને પીલાત અચરતી પામ્યો કે, શું તે એટલામાં મારી ગયો હોય! ને સુબેદારને પોતાની પાસે બોલાવીને તેને પુછ્યું કે, શું તેને મારી ગયાને કંઈ વાર થઇ છે?

⁴⁵ ને સુબેદાર પાસેથી તે વિષે ખબર મળી ત્યારે તેણે યુસફ્ને તે લાસ અપાવી.

⁴⁶ અને તેણે સણનું લુગડું વેચાતું લીધું, ને તેને ઉતારીને તેને તે સણના લુંગડામાં વિંટાળ્યો, ને ખડકમાં ખોદેલી એક કબરમાં તેને મુક્યો; ને તે કબરના મ્હો આગળ પત્થર ગબડાવી મેલ્યો.

⁴⁷ અને તેને ક્યાં મુક્યો એ મરિયમ માગદાલેણે તથા યોસીની મા મરિયમે જોયું.