² અને ઇસ્રાએલપુત્રોમાં વતન પામ્યા વગર હજી સાત કુળ રહ્યા હતાં.

³ અને યહોશુઆએ ઇસ્રાએલપુત્રોને કહ્યું, જે દેશ તમારા પિતૃઓના દેવ યહોવાહે તમને આપ્યો છે, તેનો કબજો લેવા જવાને તમે ક્યાં સુધી ઢીલ કરશો?

⁴ તમારા પ્રત્યેક કુળમાંથી ત્રણ ત્રણ માણસો ઠરાવો; ને હું તેઓને મોકલીશ, ને તેઓ ઉઠીને દેશમાં બધે ફરીને તેઓના વતન પ્રમાણે તેનું વર્ણન કરે; ને તેઓ મારી પાસે પાછા આવે.

⁵ અને તેઓ તેના સાત વિભાગ કરે; યહુદાહ દક્ષિણમાં પોતાની સરહદ અંદર રહે; ને યુસફના ઘરનાંઓ ઉત્તરમાં પોતાની સરહદની અંદર રહે.

⁶ અને સાત ભાગોમાં તમે દેશનું વર્ણન કરો. ને [તે વર્ણન] અહીં મારી પાસે આણો, કે આપણા દેવ યહોવાહની આગળ હું અહીં તમારે સારૂ ચિઠ્ઠીઓ નાખીને [ભાગ પાડું].

⁷ કેમકે લેવીઓને તમારે મધ્યે ભાગ નહિ; કેમકે યહોવાહનું યાજકપદ તેઓનું વતન છે; ને ગાળને તથા રેઉબેનને તથા મનાશ્શેહના અર્ધકુળને યરદનની પેલી ગમ પૂર્વમાં, જે વતન યહોવાહના સેવક મુસાએ તેઓને આપ્યું, તે તેઓને મળ્યું છે.

⁸ અને તે માણસો ઉઠીને ગયા; અને જેઓ દેશનું વર્ણન કરવાને જતાં હતા, તેઓને યહોશુઆએ એવી આજ્ઞા આપી કે, જઈને દેશમાં સર્વત્ર ફરીને તેનું વર્ણન કરો, ને મારી પાસે પાછા આવો; એ સારૂ કે હું અહીં શીલોહમાં યહોવાહ આગળ તમારે સારૂ ચિઠ્ઠીઓ નાખીને [ભાગ પાડું].

⁹ અને તે માણસો જઈને દેશમાં બધે ફર્યા, ને નગરો પ્રમાણે સાત ભાગે એક નોંઘપત્રમાં તેઓનું વર્ણન કીધું, ને તેઓ શિલોહમાં યહોશુઆ આગળ છાવણીમાં આવ્યા.

¹⁰ અને યહોશુઆએ તેઓને સારૂ શીલોહમાં યહોવાહની આગળ ચિઠ્ઠીઓ નાખી; ને ત્યાં યહોશુઆએ ઇસ્રાએલપુત્રોને, તેઓના હિસ્સા પ્રમાણે, દેશ વહેંચી આપ્યો.

¹¹ અને બિન્યામીનપુત્રોના કુળનો ભાગ, તેઓના કુટુંબો પ્રમાણ, આગળ નીકળ્યો; એટલે તેઓના ભાગની સીમા યહુદાહપુત્રો ને યુસફપુત્રોની વચ્ચે નીકળી.

¹² અને ઉત્તર ભાગે તેઓની સીમા યરદનની હતી; અને તે સીમા ચઢીને યેરેખોની ઉત્તર બાજુએ ગઇ, પછી પશ્ચિમ તરફ પહાડી મુલકમાં તે ગઇ; ને તેનો છેડો બેથ-આવેનના અરણ્યમાં આવ્યો.

¹³ અને ત્યાંથી આગળ ચાલીને લૂઝ ગમ, લૂઝ {એટલે બેથેલ)ની દક્ષિણ બાજુએ સીમા ગઇ; ને નીચેના બેથહોરોનની દક્ષિણમાં જે પર્વત છે તેની પાસે થઇને આટ્રોથ-આદ્દાર સુધી ઉતરી.

¹⁴ અને જે પર્વત બેથ-હોરોનની સામે દક્ષિણ બાજુએ આવેલો છે ત્યાંથી સીમા સાક્ષીન ગમ લંબાઈને પશ્ચિમ ભાગ પર વળી; ને યહુદાહપુત્રોનું નગર કિયાર્થ-બઆલ (એટલે કિર્યાથ-યઆરીમ) તેની પાસે તેનો છેડો આવ્યો; એ પશ્ચિમ ભાગ હતો.

¹⁵ અને દક્ષિણ ભાગ કીર્યાથ-યઆરીમના છેડા આગળ શરૂ થયો, ને તેની સરહદ પશ્ચિમ ગમ ચાલીને, નેફતોઆહના પાણીના ઝરા સુધી ગઇ;

¹⁶ ને તે સરહદ હિન્નોમના દીકરાની ખીણ સામેનો પર્વત જે રફાઈઓની ખીણમાં ઉત્તર તરફ છે તેના છેડા સુધી ઉતરી;

¹⁷ ને તે ઉત્તરમાંથી લંબાઈને એન-શેમેશ ગઇ, ને ગલીલોથ જે અદુમ્મીમના ઘાટના સામે છે, તેની ગમ ચાલી ગઇ; ને રેઉબેનના પુત્ર બોહાનના પત્થર સુધી તે ઉતરી.

¹⁸ અને ઉત્તર ગમ આરાબાહની સામે બાજુ પર થઈને અરાબાહ સુધી ઉતરી ગઇ;

¹⁹ ને ઉત્તરમાં આગળ ચાલીને તે સીમા બેથ-હોગ્લાહની બાજુએ ગઇ; ને તે સરહદનો છેડો ખારા સમુદ્રહની ઉત્તર ખાડી આગળ, એટલે યરદનને દક્ષિણ છેડે આવ્યો; એ દક્ષિણ સીમા હતી.

²⁰ અને પૂર્વ બાજુએ તેની સરહદ યરદન હતી; ને બિન્યામીનપુત્રોના કુટુંબો પ્રમાણે તેઓના વતનની ચારોગમની સીમા આ હતી.

²¹ હવે બિન્યામીનપુત્રોનાંકુળના નગરો તેઓના કુટુંબો પ્રમાણે આ હતા; એટલે યેરેખો, તથા બેથ-હોગ્લાહ, તથા એમેક્ક્સીસ;

²² તથા બેથ-અરાબાહ, તથા સમારાઈમ, તથા બેથે;

²³ તથા આવ્વીમ, તથા પારાહ, તથા ઓફ્રાહ;

²⁴ તથા કફાર-અમ્મોની, તથા ઓફની, તથા ગેબા; બાર નગરો, તેઓનાં ગામો સુદ્ધાં;

²⁵ ગિબઓન, તથા રામાહ, તથા બએરોથ;

²⁶ તથા મિસ્પેહ, તથા કફીરાહ, તથા મોસાહ;

²⁷ તથા રેકેમ તથા યિર્પએલ, તથા તારઅલાહ;

²⁸ તથા સેલાહ, એલેફ, તથા યબૂસી (એટલે યરૂશાલેમ), ગિબઆથ, કીર્યાથ; ચૌદ નગરો, તેઓના ગામો સુદ્ધાં. બિન્યામીનપુત્રોના કુટુંબો પ્રમાણે તેઓનું વતન એ છે.