¹ એ વાતો પછી યહોવાહનો શબ્દ દર્શનમાં ઇબ્રામ પાસે આવ્યો ને કહ્યું કે, ઇબ્રામ, તું બિહી માં, હું તારી ઢાલ તથા મહા મોટું પ્રતિદાન ચુ.

² અને ઇબ્રામ બોલ્યો, હે પ્રભુ યહોવાહ, તું મને શું આપીશ? કેમકે હું નિ:સંતાન ચાલ્યો જાઉં ચુ, ને મારા ઘરનો માલિક આ દમસ્કનો અલીએઝેર છે.

³ અને ઇબ્રામ બોલ્યો, જો, તે મને કઈ સંતાન નથી આપ્યું, માટે જુઓ, મારા ઘરમાં જન્મેલો એક [જણ] મારો વરસ છે.

⁴ અને જુઓ, યહોવાહનો શબ્દ તેની પાસે આવ્યો, ને કહ્યું કે, એ તારો વારસ નહિ થશે, પણ તારા પોતાના પેટનો જે થશે તેજ તારો વારસ થશે.

⁵ અને તેણે તેને બહાર લઇ જઈને કહ્યું કે, હવે તું આકાશની ગમ જો, ને તું તારાઓ ગણી શકે, તો ગણ; ને તેણે તેને કહ્યું કે, તેટલા તારા સંતાન થશે.

⁶ અને તેણે યહોવાહ પર વિશ્વાસ કીધો, અને એણે તે ન્યાયીપણાને અર્થે તેના લાભમાં ગણ્યું.

⁷ અને તેણે તેને કહ્યું કે, આ દેશ વતન તરીકે તને આપવા સારું કાસદીયોના ઉરમાંથી તને કાઢી લાવનાર તે હું યહોવાહ છું.

⁸ અને તેને કહ્યું, હે પ્રભુ યહોવાહ, હું એનો વારસો પામીશ, એ હું શાથી જાણું?

⁹ અને તેણે કહ્યું કે, ત્રણ વર્ષની વાછરડી, તથા ત્રણ વર્ષની બકરી, તથા ત્રણ વર્ષનો મેઢો તથા એક હોલું ને કબુતરનું એક પીલું મારે સારૂ લે.

¹⁰ અને તેણે એ સર્વ લીધા, ને તેઓને વચમાંથી ચીરીને કકડા સામસામા મુક્યા, પણ તેણે પક્ષીઓને ચીર્યા નહિ.

¹¹ અને જયારે શિકારી પક્ષી તે મુડદા ઉપર પડ્યાં ત્યારે ઇબ્રામે તેઓને ઉડાડી મેલ્યાં.

¹² અને સૂર્ય આથમતો હતો, ત્યારે ઇબ્રામ ભાર ઉંઘમાં પડ્યો, ને જુઓ, મોટો ભયંકર અંધકાર તેના પર પડ્યો.

¹³ અને તેણે ઇબ્રામને કહ્યું, તું ખચિત જાણ, કે તારો વંશ પરદેશમાં ભટકશે, ને ત્યાંના લોકોની સેવા કરશે, ને તેઓ ચારસે વર્ષ લગી તેઓને દુઃખ દેશે.

¹⁴ અને જે લોકોની સેવા તેઓ કરશે, તેઓનો ન્યાય પણ હું કરીશ, ને ત્યાર પછી તેઓ ઘણીજ સંપત્તિ લઈને નીકળશે.

¹⁵ અને તું પોતાના બાપદાદાઓની પાસે શાંતિએ જશે, ને તું ઘણો ઘરડો થયાં પછી દટાશે.

¹⁶ અને તેઓ ચોથી પેઢીમાં હિયાં પાછા આવશે; કેમકે અમોરીઓના પાપનો ઘડો હજુ ભરાયો નથી.

¹⁷ અને એમ થયું, કે સૂર્ય આથમતા અંધારું થયું, ત્યારે જુઓ, એક ઘુમાતી સગડી તથા બળતી મશાલ કે જે એ કકડાઓની વચમાં થઈને ગયા.

¹⁸ તેજ દહાડે યહોવાહે ઇબ્રામ સાથે કરાર કીધો, કે મિસરની નદીથી તે ફ્રાત નામની મહા નદી લગી આ દેશે મેં તારા વંશને આપ્યો છે;

¹⁹ એટલે કેનીઓનો તથા કનિઝીઓનો તથા કાદમોનીઓનો,

²⁰ તથા હિત્તીઓનો તથા પરિઝીઓનો તથા રફાઈઓનો,

²¹ તથા અમોરીઓનો તથા કનાનીઓનો તથા ગિરગાશીઓનો તથા યાબુસીઓનો દેશ [આપ્યો છે].