¹ એફેસેસમાં જે પવિત્રો તથા ખ્રીસ્ત ઇસુમાં જેઓ વિશ્વાસુ છે તેઓને, પાઉલ, દેવની ઈચ્છાથી ઇસુ ખ્રીસ્તનો પ્રેરિત [લખે છે].

² દેવ આપણા બાપ તથા પ્રભુ ઇસુ ખ્રીસ્તથી તમને કૃપા તથા શાંતિ થાઓ.

³ આપણા પ્રભુ ઇસુ ખ્રીસ્તનો દેવ તથા બાપ સ્તુતિવાન થાઓ; તેણે આકાશથી જગ્યાઓમાં પ્રત્યેક આત્મિક આશીર્વાદથી આપણને ખ્રીસ્તમાં આશીર્વાદિત કીધા છે;

⁴ જેમ તેણે જગતની મંડાણની અગાઉ આપણને એનામાં પસંદ કર્યા છે, એ સારૂ કે આપણે તેની આગળ પ્રીતિમાં પવિત્ર તથા નિર્દોષ થઈએ તેમ.

⁵ તેણે પોતાની ઈચ્છાની પ્રસન્નતા પ્રમાણે, પોતાને સારૂ, આપણને ઇસુ ખ્રીસ્તમાં દત્તપુત્રપણું પામવાને અગાઉ ઠરાવ્યા,

⁶ કે તેની કૃપાના મહિમાની સ્તુતિ થાય; ને કૃપા તેણે વહાલામાં આપણને મફત આપી.

⁷ એમાં, એના લોહીની આસરે, તેની કૃપાની સંપત પ્રમાણે આપણને ઉદ્ધાર એટલે પાપની માફી છે.

⁸ એ કૃપા તેણે સર્વ જ્ઞાનમાં તથા વિવેકમાં અમારા પર બહુ વધારી છે.

⁹ તેણે, પોતામાં અગાઉ ઠરાવેલી પોતાની પ્રસન્નતા પ્રમાણે, પોતાની ઈચ્છાનો મર્મ અમને જણાવ્યો,

¹⁰ કે સમયોની સંપૂર્ણતાની વ્યવસ્થામાં, આકાશમાંના તથા પૃથ્વી પરના સઘળાને ખ્રીસ્તમાં તે એકઠાં કરે, હા ખ્રીસ્તમાં;

¹¹ જેનામાં આપણે તેનો વરસો કરાયા; જે પોતાની ઈચ્છાના ઈરાદા પ્રમાણે સર્વ કરે છે, તેના ઠરાવ પ્રમાણે, આપણે અગાઉ ઠરાવેલા હતા;

¹² એ સારૂ કે ખ્રીસ્ત પાર પ્રથમ આશા રાખનારા અમે તેના મહિમાની સ્તુતિને સારૂ થઈએ.

¹³ તમે પણ, સત્યનું વચન એટલે તમારા તારણની સુવાર્તા સાંભળીને, ને તેના પર વિશ્વાસ લાવીને, તેનામાં વચનના પવિત્ર આત્માથી મુદ્રિત થયા;

¹⁴ એ આત્મા ખરીદાએલાઓના ઉદ્ધાર સંબંધી પ્રભુના મહિમાને અર્થે આપણા વારસાનું બ્યાનું છે.

¹⁵ એ માટે હું પણ, પ્રભુ ઇસુ પર તમારા વિશ્વાસ તથા સઘળા પવિત્રો પર તમારા પ્રેમ વિષે સાંભળીને,

¹⁶ તમારે વાસ્તે ઉપકાર માનવાનું ચૂકતો નથી; મારી પ્રાર્થનાઓમાં તમારું સ્મરણ કરીને માંગુ છું કે,

¹⁷ આપણા પ્રભુ ઇસુ ખ્રીસ્તનો દેવ, મહિમાનો બાપ, પોતાન વિષેના જ્ઞાનને સારું બુદ્ધિનો તથા પ્રકટીકરણનો આત્મા તમને આપે;

¹⁸ ને તમારા મનની આંખો એ સારૂ પ્રકાશિત થાય, કે તેના નહોતરાની આશા શી છે, ને પવિત્રોમાં તેના વારસાના મહિમાની સંપત્તિ શી છે,

¹⁹ અને તેની બળવાન શક્તિના પરાક્રમ પ્રમાણે હમ વિશ્વાસ કરનારાઓમાં તેની શક્તિનું મોટાપણું શું છે, તે તમે જાણો.

²⁰ તેણે તે પરાક્રમ ખ્રીસ્તમાં કરીને તેને મુએલાંઓમાંથી ઉઠાડ્યો,

²¹ અને સઘળી સત્તા તથા અધિકાર તથા પરાક્રમ તથા ઘણીપણું તથા પ્રત્યેક નામ જે કેવળ આ કાળમાં નહિ, પણ ભવિષ્ય કાળમાં કહેલું તેમના ઉપર, પોતાની જમણીગમ આકાશી જગ્યાઓમાં તેણે બેસાડ્યો.

²² અને સઘળાં તેના પગો તળે નાખ્યાં, ને તેને સર્વ પર મંડળીનું શીર કરીને ઠેરવ્યો;

²³ મંડળી તો તેનું શરીર છે, એટલે જે સઘળાએ સઘળાંને ભરે છે તેનું ભરપુરપણું.