¹ અને એમ થયું કે અપોલસ કરીંથમાં હતો, ત્યારે પાઉલ ઉપલા પ્રદેશમાં ફરીને એફેસસમાં આવ્યો, ને કેટલાએક શિષ્યોને જોઇને

² તેઓને કહ્યું કે, તમે વિશ્વાસ કીધો ત્યારે શું પવિત્ર આત્મા પામ્યા? અને તેઓએ તેને કહ્યું કે, ણા, પવિત્ર આત્મા [અપાયો] છે એ અમે સાંભળ્યું પણ નથી.

³ અને તેણે કહ્યું કે, ત્યારે તમે કોનું બાપ્તિસમાં પામ્યા? ને તેઓએ કહ્યું કે, યોહાનનું બાપ્તિસમાં.

⁴ ત્યારે પાઉલે કહ્યું કે, યોહને પશ્ચાતાપનું બાપ્તિસમાં કીધું ખરૂં, ને લોકોને કહ્યું કે, મારી પાછળ જે આવે છે તેના પર એટલે ઇસુ પર તમારે વિશ્વાસ કરવો.

⁵ તેઓએ એ સાંભળીને પ્રભુ ઈસુને નામે બાપ્તિસમાં લીધું.

⁶ અને પાઉલે તેઓ પર હાથ મુક્યા ત્યારે પવિત્ર આત્મા તેઓ પર આવ્યા, ને તેઓ [બીજી ભાષાઓ બોલ્યા, તથા ભવિષ્ય કહ્યા.

⁷ અને તેઓ સહુ મળીને બારેક પુરુષ હતા.

⁸ પછી સભાસ્થાનમાં જઈને તેણે ત્રણ મહિના સીધી હિમ્મતથી વાત કરી, ને વાદ કરીને દેવના રાજ્ય વિષેની બાબતો સમજાવી.

⁹ પણ કેટલાએક [મનમાં] કઠણ થઈને, તથા [વાતનો] અનાદર કરીને, લોકોની આગળ એ માર્ગની નિંદા કીધી, ત્યરે તેણે તેઓની પાસેથી જઈને શિષ્યોને જુદાં કીધા, ને તુરાનસની શાળામાં રોજ વાદ કરતો રહ્યો.

¹⁰ અને વર્ષ બે સુધી એમ થયા કીધું; તેથી આસિયામાં રહેનાર સર્વ યહૂદીઓએ, તથા હેલેનીઓએ પણ પ્રભુની વાત સાંભળી.

¹¹ અને દેવે પાઉલના હાથથી એવા અસાધારણ ચમત્કારો કીધા કે,

¹² તેના શરીર ઉપરથી રૂમાલો તથા લુગડાં કાઢીને માંદાઓની પાસે લાવતા, એટલે તેઓના રોગ દૂર થતા, ને તેઓમાંથી અશુદ્ધ આત્માઓ નીકળી જતા.

¹³ પણ કેટલાક ભટકતા યહુદી ભુવા પણ અશુદ્ધ આત્મા વળગેલાઓ ઉપર ઈસુનું નામ ઉચ્ચારીને કહેવા લાગ્યાં કે, જે ઈસુને પાઉલ પ્રગટ કરે છે, તેની દુવાઈ હું તમને દઉં છું.

¹⁴ ને સ્કેવા નામે એક યહૂદી મુખ્ય યાજકના સાત દીકરા એમ કરતા હતા.

¹⁵ પણ અશુદ્ધ આત્મા ઉત્તર દેતા એમ કહ્યું કે, ઇસુ વિષે હું જાણું છું, ને પાઉલને હું ઓળખું છું, પણ તમે કોણ છો?

¹⁶ ને જે માણસમાં અશુદ્ધ આત્મા હતો તે તેઓ પર કુદી પડ્યો, ને બન્નેને હરાવીને તેઓ પર એવો જાય પામ્યો કે તેઓ નાગા તથા ઘાયલ થઈને તે ઘરમાંથી નાઠા.

¹⁷ અને એફેસસમાં જે યહુદીઓ તથા હેલેનીઓ રહેતા હતા તેઓ સર્વને એ માલમ પડ્યું, ને તે સર્વને ભય લાગ્યું, ને પ્રભુ ઈસુનું નામ મોટું મનાયું.

¹⁸ અને વિશ્વાસી થયેલાઓમાંના ઘણાં આવ્યાં, ને પોતાના કૃત્યો કબૂલ કરીને કહી દેખાડ્યાં.

¹⁹ અને જાદુ કરનારાઓમાંના ઘણાએ પોતાના પુસ્તકો એકઠા કરીને સર્વના દેખતાં બાલી નાખ્યા; ને તેઓનું મૂલ ગણી જોતાં તે પચાસ હજાર આર્ધા થયું.

²⁰ એ રીતે પ્રભુની વાત પરાક્રમથી વધીને પ્રબળ થઇ.

²¹ અને એ થયા પછી પાઉલે માકેદોનિયા તથા આખાયામાં થઈને યરુશાલેમ જવાનો મનમાં નિશ્ચય કરીને કહ્યું કે, મારા ત્યાં ગયા પછી રૂમ પણ મારે જોવું જોઈએ.

²² અને તેને પોતાને સહાય કરનારાઓમાંના બેને એટલે તીમોથી તથા એરાસ્તસને માકેદોનિયામાં મોકલ્યા, ને પોતે કેટલાએક દિવસ આસિયામાં રહ્યો.

²³ અને તે અરસામાં એ માર્ગ વિષે ઘણી ઘાંઘળ મચી.

²⁴ કેમકે દેમેત્રિઅસ નામે એક સોની જે આર્તેમિનાં રૂપાના દેવસ્થાનો બનાવીને કારીગરોને ઘણું કામ અપાવતો હતો,

²⁵ તેણે તેઓને તથા એના જેવા બીજા કારીગરોને એકઠા કરીને કહ્યું કે, ભાઈઓ, તમે જાણો છો કે એ ધંધાથી આપણને દ્રવ્ય મળે છે.

²⁶ અને તમે જુઓ છો અને સાંભળો છો કે, એકલા એફેસસમાં નહિ, પણ લગભગ આખા આસિયામાં, એ પાઉલે જે હાથથી બનાવેલા છે તે દેવો નથી, એવું સમજાવીને, બહુ લોકોને ફેરવી નાખ્યા છે;

²⁷ અને તથી આપણો એ ધંધો વખોડવામાં આવે એવો ભય છે, એટલુંજ નહિ, પણ આર્તેમિસ મહાદેવી જેને આખા આસિયા તથા જગત પૂજે છે, તેનું મંદિર તુચ્છ ગણવાનો ને તેનો મહિમા નાશ થવાનો સંભવ છે.

²⁸ અને તેઓ એ સાંભળીને ક્રોધ ભરાયા, ને બૂમ પાડીને કેહેવા કાગ્યા કે, એફેસીઓની આર્તેમિસને જય!

²⁹ અને આખું શહેર એ ગડબડાટથી ભરાઈ ગયું; ત્યારે તેઓ માકેદોનિયાના ગાયસ તથા આરીસ્તાર્ખસ, જેઓ મુસાફરીમાં પાઉલના સાથી હતા, તેઓને પકડીન એકમતે અખાડામાં દોડી ગયા.

³⁰ અને જયારે પાઉલ લોકોની ભીડની અંદર પેસવું ચાહ્યું, ત્યારે શિષ્યોએ તેને જવા દીધો નહિ.

³¹ અને આસિયાના મુખ્ય અધિકારીઓમાંથી કેટલાએક તેના મિત્ર હતા, તેઓએ પણ તેને કહેવડાવી મોકલ્યું કે, તારે અખાડામાં જવાનું સાહસ કરવું નહિ.

³² ત્યારે કેટલાએક કંઈ બૂમ પાડતા, ને કેટલાએક કંઈ બૂમ પાડતા, કેમકે સભામાં ગડબડ થઇ હતી, ને પોતે શા માટે એકઠા થયા છે, એ તેઓમાંના ઘણાખરા જાણતા પણ ન હતા.

³³ અને તેઓએ આલેકસાંદરને ભીડમાંથી બહાર ખેંચી કાઢ્યો, ને યહુદીઓ તેને આગળ હડસેલતા હતા ત્યારે આલેકસાંદર હાથે ઈસરો કરીને લોકોને પ્રત્યુત્તર આપવા ચાહતો હતો.

³⁴ પણ તે યહુદી છે, એ તેઓએ જાણ્યું, ત્યારે તેઓ સઘળા આસરે બે કલાક સુધી એક ઘાટે બૂમ પાડી કે, એફેસીઓની આર્તેમિસને જાય!

³⁵ ત્યારે શહેરના નગરશેઠે લોકોને શાંત કરીને કહ્યું કે, ઓ એફેસી લોકો, કયું માણસ નહિ જાણતું કે એફેસીઓનું શહેર આર્તેમિસ મહાદેવની તાતા ઝૂસ પાસેથી પડેલી મૂર્તિને પૂજનારું છે?

³⁶ એ વાતોથી ઉલટું કોઇથી બોલી શકાય એમ નથી, માટે તમારે શાંત રહેવું જોઈએ, ને કંઈ અવિચારી કૃત્ય કરવું નહિ.

³⁷ કેમકે તમે આ માણસોને અહીં લાવ્યા છો, કે જેઓ મંદિરોના લૂંટનારા નથી, ને આપણા દેવીની નિંદા કરનારા પણ નથી.

³⁸ એ રારું જો દેમેત્રિઅસ તથા તેની સાથીના કારીગરોને કોઈના પર કાંઈ દાવો હોય to અદાલત ખુલ્લી છે, ને અધિકારીઓ પણ છે, માટે તેઓ એક બીજા પર ફરિયાદ માંડે.

³⁹ પણ જો કંઈ બીજી બાબતો વિષે તમે દાદ માંગતા હો, to કાયદેસર નિમેલી સભામાં તેનો નિર્ણય કરવામાં આવશે.

⁴⁰ કેમકે આજે વગર કારણે હંગામો થયો તે વિષે આપણી સામે ફરિયાદ થવાનો ખરેખર સંભવ છે; અને તેના સંબંધમાં આ ભીડ થયાનો ખુલાસો આપણે આપી શકવાના નથી.

⁴¹ અને તેણે એ વાતો કહીને સભાને બરખાસ્ત કરી.