¹ અને તેઓ આમ્ફીપોલીસ તથા આપલોનિયામાં થઈને થેસ્સાલોનીકામાં આવ્યા; ત્યાં યહુદીઓનું સભાસ્થાન હતું;

² અને પાઉલ પોતાની રીત પ્રમાણે તેઓની [સભામાં] ગયો, ને ત્રણ વિશ્રામવાર તેને ધર્મલેખ ઉપરથી તેઓની સાથે વાદવિવાદ કીધો,

³ ને ખુલાસો આપીને સિદ્ધ કર્યું કે ખ્રીસ્તે સહેવું, તથા મુએલામાંથી પાછા ઉઠવું એ જરૂરનું હતું, ને [એવું પણ કહ્યું કે] જે ઈસુને હું તમે પ્રગટ કરૂ છું તેજ ખ્રિસ્ત છે.

⁴ ત્યારે તેઓમાંના કેટલાએક તથા ધાર્મિક હેલેનીઓમાંના ઘણા લોક, તથા આબરૂદાર ઘણી બાયડીઓ વાત માનીને પાઉલ તથા સીલાસની સંગતમાં ભળ્યા.

⁵ પણ યહુદીઓએ અદેખાઈ રાખીને કેટલાક ચકલામાંના બદમાશોને સાથે લીધા, ને ભીડ જમાવીને આખા શહેરને ખભળાવી મુક્યું, ને યાસનના ઘર પર હુમલો કરીને તેઓને લોકો પાસે બહાર કાઢી લાવવાનો પ્રયત્ન કીધો.

⁶ પણ તેઓ એઓએ જડ્યા નહિ ત્યારે યાસનને તથા કેટલાએક ભાઈઓને શહેરના આધિકારીઓ પાસે ઘસડી જઈને તેઓએ બૂમ પાડી કે, અ લોક કે જેઓએ જગત ઉથલપાથલ કીધું છે તેઓ અહિં પણ આવ્યા છે.

⁷ તેઓનો યાસને અંગીકાર કીધો છે; ને તેઓ સઘળા કાઈસરની આજ્ઞાની વિરુદ્ધ થઈને કહે છે કે, ઇસુ [નામે] બીજો રાજા છે.

⁸ અને તેઓની એ વાતો સાંભળીને લોકો તથા શહેરના અધિકારીઓ ગભરાયા.

⁹ ત્યારે તેઓએ યાસનના તથા બીજાઓના જામીન લઈને તેઓને છોડી દીધા.

¹⁰ પછી ભાઈઓએ રાત્રે પાઉલ તથા સીલાસને તરત બેરીઆમાં મોકલી દીધા; અને તેઓ ત્યાં પહોંચીને યહુદીઓના સભાસ્થાનમાં ગયા.

¹¹ અને થેસ્સાલોનીકાનાલોક કરતા એઓ અધિક ગુણવાન હતા, કેમકે એઓ મનની પુરી આતુરતાથી વાતનો અંગીકાર કરીને, એ વાતો એમજ છે કે નહિ, એ વિષે નિત્ય ધર્મલેખા તપાસતા હતા.

¹² એ માટે તેઓમાંના ઘણાઓએ વિશ્વાસ કીધો, ને આબરૂદાર હેલેની બાઈઓ તથા પુરુષોમાંના પણ ઘણાએ [વિશ્વાસ કીધો].

¹³ પણ જયારે થેસ્સાલોનીકાના યહુદીઓએ જાણ્યું કે પાઉલ દેવની વાત બેરીઆમાં પણ પ્રગટ કરે છે ત્યારે ત્યાં પણ આવીને તેઓએ લોકોને ઉશ્કેરીને ખભળાવ્યા.

¹⁴ ત્યારે ભાઈઓએ તરત પાઉલને સમુદ્ર સુધી મોકલી દીધો, પણ સીલાસ તથા તિમોથી હજી ત્યાં રહ્યા.

¹⁵ પણ પાઉલના વળાવાઓએ તેને આથેન્સ સુધી પહોંચાડ્યો. પછી સીલાસ તથા તિમોથી તેની પાસે બનતી ઉતાવળી આવે, એવી અજ્ઞા એમને સારૂ લઈને તેઓ વિદાય થયા.

¹⁶ અને પાઉલ એથેન્સમાં એમની વાત જોતો હતો એટલામાં તે શહેરમાં ઠેરઠેર મૂર્તિઓને જોઇને તેનો આત્મા બળી ઉઠ્યો.

¹⁷ તે માટે તે સભાસ્થાનમાં યહુદીઓ તથા ધાર્મિક પુરુષો સાથે, ને ચહુટામાં તેઓ તેને મળતા તેઓની સાથે નિત્ય વાદ કરતો હતો.

¹⁸ ત્યારે એપીકુરી તથા સ્તોઈકી પંડીતોમાંના કેટલાએક તેની સામા થયા, ને કેટલાકે કહ્યું કે, આ બડબડીઓ શું કહેવા માંગે છે? ને બીજા કેટલાકે કહ્યું કે, પારકા દેવોને પ્રગટ કરનાર એ દેખાય છે; કેમકે તે ઇસુ તથા પુનરુત્થાન વિષે [ની વાત] પ્રગટ કરતો હતો.

¹⁹ અને તેઓ તેને અરૈઓપાગસમાં લઇ ગયા, ને કહ્યું કે, જે નવો ઉપદેશ તું કરે છે તે અમારાથી સમજાય એમ છે?

²⁰ કેમકે અમારા કાનોમાં તું કેટલીએક નવતર વાતો નાખે છે, માટે એમનો અર્થ અમે જાણવા ચાહીએ છીએ.

²¹ (હવે, સર્વ આથેનાયીઓ તથા ત્યાં રહેનારા પરદેશીઓ, કંઈ નવી વાત કહેવી અથવા સંભાળવી તે શિવાય બીજા કશામાં પોતાનો વખત ગાળતા ન હતા.)

²² અને પાઉલે અરૈઓપાગસની વચ્ચે ઉભા રહીને કહ્ય કે, આથેન્સના ગૃહસ્થો, હું જોઉં છું કે તમે બધી બાબતોમાં અતિશય ધર્મચુસ્ત છો.

²³ કેમકે માર્ગે ચાલતાં ચાલતાં જે [દેવ દેવીઓને] તમે ભજો છો તેઓને હું જોતો હતો, ત્યારે મેં એક વેદી પણ દીઠી, જેનાપર એવો લેખ કોતરેલો હતો કે, અજાણ્યા દેવના માનમાં; માટે જેને તમે જાણ્યા વિન ભજો છો તેને હું તમારી આગળ પ્રગટ કરું છું.

²⁴ જે દેવે જગત તથા તેમાંનું સઘળું ઉત્પન્ન કીધું, તે આકાશ તથા પૃથ્વીના પ્રભુ હોવાથી હાથે બાંધેલા મંદિરોમાં રહેતો નથી.

²⁵ અને જાણે તેને કશાની ગરજ હોય એમ માણસોના હાથની સેવા તેને જોઈએ છે એમ નહિ, કેમકે જીવન તથા શ્વાસોશ્વાસ તથા સર્વ વસ્તુ તે પોતે સર્વને આપે છે.

²⁶ અને તેણે માણસોને સર્વ દેશજાતિઓને આખી પૃથ્વીની પીઠ પર રહેવા સારૂ એકમાંથી ઉત્પન્ન કીધી, ને તેણે તેઓને સારૂ નિમેલા સમય તથા તેઓના રેહેઠાણની સીમાઓ ઠરાવી આપી.

²⁷ એ માટે કે તેઓ ઈશ્વરને શોધે, કે કદાપિ તેઓ તેને માટે ટંટોળીને તેને પામે; પરતું આપણામાંના કોઇથી તે વેગળો નથી.

²⁸ કેમકે આપણે તેનામાં જીવીએ છીએ, ને હાલીએ છીએ, ને હોઈએ છીએ, જેમ તમારા પોતાનાજ કવિઓમાંના કેટલાએક કહ્યું છે કે, આપણે પણ તેના વંશજો છીએ.

²⁹ હવે આપણે દેવના વંશજો છીએ માટે આપણે એમ ન ધારવું જોઈએ કે દેવ માણસોની કારીગરી તથા ચતુરાઈથી કોતરેલા સોના કે રૂપા કે પત્થરના જેવો છે.

³⁰ એ અજ્ઞાનપણાના સંયો પ્રત્યે દેવે અખાડા કીધા ખરા; પણ હવે સર્વ જગ્યામાં સઘળાં માણસોને પસ્તાવો કરવાની તે આજ્ઞા કરે છે.

³¹ કેમકે તેણે એક દિવસ ડરાવ્યો છે કે જેમાં તે પોતાના ઠરાવેલા માણસ વડે જગતનો ન્યાય ન્યાયીપણાએ કરશે; જે વિષે તેણે તેને મુએલાઓમાંથી પાછો ઉઠાડવાથી સર્વને ખાતરી કરી આપી છે.

³² હવે તેઓએ મુએલાંઓના પુનરુત્થાન વિષે સાંભળ્યું, કેટલાએક ઠઠ્ઠા કીધા; પણ બીજાઓએ કહ્યું કે, અમે એ સંબંધી કોઈ બીજી વાર તારું સાંભળીશું.

³³ એવી રીતે પાઉલ તેઓ મધ્યેથી નીકળી ગયો.

³⁴ પણ કેટલાએક માણસોએ તેની સાથે મળી જઈને વિશ્વાસ કીધો; તેઓમાં દીઓનુસીઅસ અરૈઓપાગસી, તથા દામારીસ નામે એક બાઈ, તથા તેઓની સાથે બીજા પણ હતા.