² શું તમે જાણતા નથી કે પવિત્રો જગતનો ન્યાય કરશે? અને જો તમારાથી જગતનો ન્યાય કરાય તો શું તમે હલકાજ વાદોનો ન્યાય કરવાને નાલાયક છો?

³ શું તમે જાણતા નથી કે આપણે દૂતોનો ન્યાય કરીશ? તો કેમ અ આયુષ્યની વાતોનો નહિ?

⁴ એ માટે જો તમને આ આયુષ્યમાંના વાદો હોય, તો મંડળીમાં જેઓનને તમે ગણકારતા નથી તેઓને તે પર બેસાડો.

⁵ હું તમને લજાવવાને કહું છું. શું પોતાના ભાઈઓમાં ન્યાય કરી શકે, એવો તમારામાં એકે જ્ઞાની નથી?

⁶ પણ ભાઇ ભાઇ પર ફરિયાદ કરે છે; ને તે વળી અવિશ્વાસીઓની આગળ!

⁷ એ માટે હમણાં તમારામાં તદન ખોડ છે, કે તમે એક બીજા પર ફરિયાદ કરો છો. કરતાં તમે કેમ અન્યાય સહેતો નથી? તે કરતાં કેમ હાની ખમતા નથી?

⁸ પણ તમે અન્યાય તથા હાની કરો છો, હા, ભાઈઓ પર કરો છો.

⁹ શું તમે જાણતા નથી કે અન્યાયીઓ દેવના રાજ્યનો વારસો પામશે નહિ? તમે ભૂલ ન કરો; વ્યભિચારીઓ તથા મૂર્તિભક્તો તથા છિનાળવાઓ તથા કામીઓ તથા પુંમૈથુનીઓ,

¹⁰ તથા ચોરો તથા લોભીઓ તથા છાટકા તથા નિંદકો તથા જુલમીઓ, એઓ દેવના રાજ્યનો વારસો પામશે નહિ;

¹¹ ને તમારામાંના કેટલાએક એવા હતા, પણ તમે પ્રભુ ઇસુને નામે તથા આપણા દેવના આત્માથી ધોવાયા તથા પવિત્રીકરણ ને ન્યાયીકરણ પામ્યા.

¹² સઘળાં તો મને ઉચિત છે, પણ સઘળાં ઉપયોગી નથી;

¹³ અન્ન પેટને સારૂ ને પેટ અન્નને સારૂ છે, પણ દેવ એનો તથા તેનો પણ નાશ કરશે. હવે શરીર વ્યભિચારને સારૂ નથી, પણ પ્રભુને સારૂ છે, ને પ્રભુ શરીરને સારૂ.

¹⁴ દેવે તો પ્રભુને ઉઠાડ્યો, ને પોતાને પરાક્રમે આપણને પણ ઉઠાડશે.

¹⁵ તમારાં શરીર ખ્રીસ્તનો અવયવો છે, એ શું તમે નથી જાણતા? વારૂ, શું હું ખ્રીસ્તના અવયવો કાઢીને તેઓને વ્યભિચારીણીનાં અવયવો કરૂં? એમ ન થાય.

¹⁶ શું તમે નથી જાણતા કે વ્યભિચારીણી સાથે જે જોડાય છે, તે એક શરીર થાય છે? કેમકે તે કહે છે કે, એ બેહુ એક દેહ થશે.

¹⁷ પણ પ્રભુની સાથે જે જોડાય છે તે એક આત્મા છે.

¹⁸ વ્યભિચારથી નાસો, જે સર્વ પાપ કોઇ માણસ કરે તે શરીર બહાર છે; પણ વ્યભિચારી પોતાના શરીરને ઉલટું પાપ કરે છે.

¹⁹ શું તમે નથી જાણતા કે તમારામાં જે પવિત્ર આત્મા છે, જે તમને દેવ પાસેથી મળ્યો છે, તેનું મંદિર તમારૂં શરીર છે? અને તમે પોતાના નથી,

²⁰ કેમકે તમે મૂલ્યે ખરીદાયા હતા. તો તમારૂં શરીર તથા તમારો આત્મા દેવનાં છે, તેઓથી દેવને મહિમા આપો.