² અઠવાડિયાને પહેલે દિવસે તમારામાંના પ્રત્યેકે પોતાની કમાણી પ્રમાણે રાખી મુકવું, એ માટે કે હું આવે ત્યારે ઉઘરાણા ન થાય.

³ અને જયારે હું આવીશ ત્યારે જેઓને તમે પસંદ કરશો, તેઓને હું તમારૂં ઉપકારદાન યરૂશાલેમમાં લઇ જવાને પત્રો આપીને મોકલીશ.

⁴ અને જો મારે પણ જવું યોગ્ય થાય, તો તેઓ મારી સાથે આવશે.

⁵ પણ જયારે હું માકેદોન્યામાં થઈને જઈશ, ત્યારે હું તમારી પાસે આવીશ; કેમકે હું માકેદોન્યામાં થઈને જનાર છું;

⁶ ને કદાપિ હું તમારી સાથે રહીશ, અથવા શિયાળો પણ કાઢીશ, એ સારૂ ક જ્યાં હું જાઉં ત્યાં તમે મને પહોંચાડો.

⁷ કેમકે હમણાં વાટે જતાંજ તમને મળવાની મારી ઈચ્છા નથી; પણ જો ઈશ્વરેચ્છા હશે તો હું થોડી વાર તમારી પાસે રહીશ.

⁸ પણ હું પચાસમાં સુધી એફેસેસમાં રહીશ;

⁹ કેમકે મોટું તથા સાર્થક બારણું મારે સારૂ ઉઘડાયું છે, ને અટકાવનારા ઘણા છે.

¹⁰ પણ જો તીમોથી આવે તો સંભાળ રાખજો, કે તે તમારી પાસે નિર્ભયપણે રહે, કેમકે જેમ હું કરૂં છું તેમ તે પણ પ્રભુનું કામ કરે છે.

¹¹ એ માટે કોઇ તેને ધિક્કારે નહી; પણ શાંતિએ તમે તેને પહોંચાડજો, કે તે મારી પાસે આવે; કેમકે ભાઇઓની સાથે હું તેની વાટ જોઉં છું.

¹² હવે, ભાઇ અપોલા વિષે એમ છે કે ભાઇઓની સાથે તે તમારી પાસે આવે માટે મેં તેને બહુ વિનંતી કીધી; પણ હમણાં આવવાની તેની ઈચ્છા કંઈ ન હતી; પણ જયારે સારો પ્રસંગ મળશે ત્યારે આવશે.

¹³ સાવધાન રહો, વિશ્વાસમાં સ્થિર રહો, પુરુષાર્થે ચાલો, બળવંત થાઓ.

¹⁴ પ્રીતિએ તમારાં સઘળાં કામ કરો.

¹⁵ ભાઈઓ, તમે સ્તેફાનસના કુટુંબને જાણો છો કે, તેઓ આખાયનું પ્રથમ ફળ છે, ને તેઓએ પવિત્રોની સેવામાં પોતાને તત્પર રાખ્યા છે, માટે હું તમારી વિનંતી કરૂં છું કે,

¹⁶ તમે એવાઓને ને જેટલા સહાય કરીને મેહેનત કરે છે તેઓને પણ આધીન થાઓ.

¹⁷ સ્તેફાનસ તથા ફોર્તુનાતસ તથા અખાઈકસના આવવાથી હું હરખાઈ છું; કેમકે તમારૂં જે ઓછું તે તેઓએ પુરૂં કર્યું.

¹⁸ કેમકે તેઓએ મારો તથા તમારો આત્મા પણ શાંત કર્યા. માટે એવાઓનો અંગીકાર કરો.

¹⁹ આસિયાની મંડળીઓ તમને ક્ષેમ કુશળ કહે છે. આકુલા તથા પ્રીસ્કા પોતાના ઘરમાંની મંડળી સુદ્ધાં પ્રભુમાં તમને ઘણા ક્ષેમ કુશળ કહે છે.

²⁰ સર્વ ભાઈઓ તમને ક્ષેમ કુશળ કહે છે. પવિત્ર ચુંબનથી એક બીજાને ક્ષેમ કુશળ કહેજો.

²¹ હું પાઉલ પોતાને હાથે ક્ષેમ કુશળ લખું છું.

²² જો કોઇ પ્રભુ ઇસુ ખ્રીસ્ત પર પ્રીતિ કરતો ન હોય, તો તે શાપિત થાય.આપણો પ્રભુ આવનાર છે.

²³ પ્રભુ ઇસુ ખ્રીસ્તની કૃપા તમારી સાથે થાઓ.

²⁴ ખ્રીસ્ત ઇસુમાં મારી પ્રીતિ તમ સર્વની સાથે થાઓ. આમેન.