¹ અને ફરોશીઓએ તથા સદુકીઓએ આવીને તેનું પરીક્ષણ કરતાં માગ્યું કે, અમને આકાશથી ચિન્હ દેખાડ.

² પણ તેણે ઉત્તર દેતાં તેઓને કહ્યું કે, સાંજ પડે છે ત્યારે તમે કહો છો કે ઉઘાડ થશે, કેમકે આકાશ રતુમડું છે.

³ અને સવારે [કહો છો] કે, આજ ઝડી પડશે, કેમકે આકાશ રતુમડું તથા અંધરાએલું છે. તમે આકાશના રૂપ સંબંધી પરખી જાણો છો ખરા, પણ સમયોનાં ચિન્હ તમે પરખી નથી શકતાં.

⁴ ભુંડી તથા વ્યભિચારી પેઠી ચિન્હ માગે છે, પણ યૂના ભવિષ્યવાદીના ચિન્હ વગર બીજું ચિન્હ તેઓને નહિ અપાશે; અને તે તેઓને મૂકીને ચાલ્યો ગયો.

⁵ અને શિષ્યો પેલે પાર ગયા, પણ રોટલી લેવી વિસરી ગયા હતા.

⁶ ત્યારે ઇસુએ તેઓને કહ્યું કે, ફરોશીઓના તથા સદુકીઓના ખમીર વિષે તમ સાવધાન થાઓ ને ખબરદાર રહો.

⁷ ત્યારે તેઓએ માહોમાંહે વિચાર કરીને કહ્યું કે, આપણે રોટલી નથી લાવ્યા [માટે એમ કહે છે].

⁸ ઇસુએ એ જાણીને તેઓને કહ્યું કે, ઓ અલ્પવિશ્વાસીઓ, તમારી પાસે રોટલી નથી, તે માટે માંહોમાંહે કેમ વિચાર કરો છો?

⁹ શું હજી સુધી તમે નથી સમજતા, ને પેલા પાંચ હજાર પુરુષ વચ્ચે પાંચ રોટલી, ને તમે કેટલી ટોપલી ઉઠાવી, તેનું શું સ્મરણ નથી?

¹⁰ વળી પેલા ચાર હજાર પુરુષ વચ્ચે સાત રોટલી, ને તમે કેટલી ટોપલી ઉઠાવી, તેનું પણ શું સ્મરણ નહિ?

¹¹ તમે કેમ નથી સમજતા કે, મેં તમને રોટલી સંબંધી નથી કહ્યું? પણ ફરોશીઓ તથા સાદુકીઓના ખમીર વિષે તમે સાવધાન રહો.

¹² ત્યારે તેઓ સમજ્યા કે રોટલીના ખમીર સંબંધી નહિ, પણ ફરોશીઓના તથા સદુકીઓના મત વિષે સાવધાન રહેવાનું તેણે કહ્યું હતું.

¹³ અને ઇસુએ કાઈસારીઅ ફિલિપ્પીની સીમમાં આવીને પોતાના શિષ્યોને પુછ્યું કે, માણસોનો દીકરો કોણ છે, એ વિષે લોકો શું કહે છે?

¹⁴ ત્યારે તેઓએ કહ્યું કે, કેટલાએક [કહે છે] યોહાન બાપ્તિસ્મા કરનાર, ને કેટલાએક એલીયાહ, ને કેટલાએક યિર્મેયાહ, અથવા ભવિષ્યવાદીઓમાંનો એક.

¹⁵ તે તેઓને કહે છે, પણ હું કોણ, તે વિષે તમે શું કહો છો?

¹⁶ ત્યારે સીમોન પીતરે ઉત્તર દેતાં કહ્યું કે, તું મસીહ જીવતા દેવનો દીકરો છે.

¹⁷ અને ઇસુએ ઉત્તર દેતાં તેને કહ્યું કે, સીમોન બાર-યોના, તને ધન્ય છે, કેમકે માંસે તથા લોહીએ નહિ, પણ મારા આકાશમાંના બાપે તને એ જણાવ્યું છે.

¹⁸ અને હું પણ તને કહું છું કે તું પીતર છે, ને આ પત્થર પર હું મારી મંડળી બાંધીશ, ને તેનું ઉલટું હાડેસની દરબારનું જોર નહિ ચાલશે.

¹⁹ આકાશના રાજ્યની કુંચીઓ તું તને આપીશ, ને પૃથ્વી પર તું જે કંઈ બાંધશે, તે આકાશમાં બાંધશે; ને પૃથ્વી પર તું જે કંઈ છોડશે, તે આકાશમાં પણ છોડશે.

²⁰ ત્યારે તેણે શિષ્યોને આજ્ઞા આપી કે, હું ખ્રીસ્ત છું એ તમારે કોઈને કહેવું નહિ.

²¹ ત્યારથી ઇસુ પોતાના શિષ્યોને જણાવવા લાગ્યા કે, મારે યરૂશાલેમમાં જવું, ને વડીલોથી તથા મુખ્ય યાજકોથી તથા શાસ્ત્રીઓથી ઘણું સહેવું, ને માર્યા જવું, ને ત્રીજે દહાડે પાછા ઉઠવું જરૂરનું છે.

²² ત્યારે પીતર તેને એક બાજુએ લઈને તેને ઠપકો દેવા લાગ્યો, ને કહ્યું કે, અરે પ્રભુ, એ તારાથી દૂર રહે, એવું તને કદી નહિ થશે.

²³ પણ તેણે ફરીને પીતરને કહ્યું કે, અરે શેતાન, મારી પછવાડે જા; તું મને ઠોકરરૂપ છે; કેમકે દેવની વાતો પર નહિ, પણ માણસોની વાતો પર તું ચિત્ત લગાડે છે.

²⁴ પછી ઇસુએ પોતાના શિષ્યોને કહ્યું કે, જો કોઇ મારી પાછળ આવવા ચાહે, તો તેણે પોતાને નકારવો, ને પોતાનો વધસ્તંભ ઉંચકીન મારી પાછળ આવવું.

²⁵ કેમકે જ કોઇ પોતાનો જીવ બચાવવા ચાહે છે, તે તેને ખોશે; પણ જે કોઇ મારે લીધે પોતાનો જીવ ખોશે, તે તેને બચાવશે.

²⁶ કેમકે જો માણસ આખું જગત મેળવશે, ને પોતાના જીવની હાનિ પામશે, તો તેને શો લાભ થશે? અથવા માણસ પોતાના જીવને બદલે શું આપશે?

²⁷ કેમકે માણસનો દીકરો પોતાના બાપના મહિમાએ પોતાના દૂતો સુદ્ધાં આવશે; ને ત્યારે તે પ્રત્યેક તેના કામ પ્રમાણે ભરી આપશે.

²⁸ હું તમને ખચિત કહું છું કે, અહીં જે ઉભા છે તેઓમાંના કેટલાએક એવા છે કે માણસના દીકરાને તેના રાજ્યમાં આવતો દેખશે ત્યાં સુધી મરણ પામશેજ નહિ.