¹ અને યહોવાહે જેમ કહ્યું હતું તેમ સારાહ પર તેણે કૃપાદૃષ્ટિ કીધી, જેવું યહોવાહે તેને કહ્યું હતું તેવું તેણે સારાહને કીધું.

² અને સારાહ ગર્ભવતી થઇ; ને તે ઈબ્રાહીમને સારું, તેના ઘડપણમાં, જેમ દેવે તેને કહ્યું હતું, તેમ ઠરાવેલે સમયે દીકરો જણી.

³ અને ઇબ્રાહીમે જે દીકરો સારાહને પેટે તેને થયો તેનું નામ ઇસ્હાક પાડ્યું.

⁴ અને તેનો દીકરો ઇસ્હાક આઠ દહાડાનો થયો, ત્યારે દેવે તેને આજ્ઞા આપી હતી, તે પ્રમાણે ઇબ્રાહીમે તેની સુનત કીધી.

⁵ જયારે તેનો દીકરો ઇસ્હાક જન્મ્યો ત્યારે ઈબ્રાહીમ સો વર્ષનો હતો.

⁶ અને સારાહે કહ્યું, દેવે માની હસાવી છે; ને હરેક સાંભળનાર મારી સાથે હસશે

⁷ અને તેને કહ્યું, ઈબ્રાહીમને કોણ કહેત કે સારાહ છોકરાને ઘવડાવશે કેમકે તેના ઘડપણમાં હું તેને સારું દીકરો જણી છું.

⁸ અને તે બાળક મોટો થયો, ને તેનું ધાવણ મુકાવ્યું; ને ઇસ્હાકે દૂધ છોડ્યું, તે દહાડે ઇબ્રાહીમે મોટી મિજબાની કીધી.

⁹ અને હાગાર મીસરીને પેંટે ઈબ્રાહીમને જે દીકરો થયો હતો તેને સારાહે ચેષ્ટા કરતો દીઠો.

¹⁰ અને સારું તેને ઈબ્રાહીમને કહ્યું, આ દાસી તથા તેના દીકરાને કહાડી મૂક, કેમકે એ દાસીનો દીકરો મારા દીકરા ઇસ્હાકની જોડે વારસ નહિ થશે.

¹¹ પણ એ વાત ઈબ્રાહીમની દ્રષ્ટિમાં પોતાના દીકરાને લીધે બહુ માઠી લાગી.

¹² અને દેવે ઈબ્રાહીમને કહ્યું, તારા દીકરા તથા તારી દાસીને લીધે તારે માઠું લગાડવું નહિ, જે સર્વ સારાહે તને કહ્યું છે, તેમાં તેનું સાંભળ, કેમકે ઇસ્હાકથી તારું સંતાન ગણાશે.

¹³ અને દાસીના દીકરાથી પણ હું એક દેશ જાતી ઉત્પન્ન કરીશ; કેમકે તે પણ તારું સંતાન છે.

¹⁴ અને ઇબ્રાહીમે મોટી સવારે ઉઠીને રોટલી તથા એક છાગળ પાણી લીધું, ને તે હાગારને આપી તેની ખાંધે મુક્યું, ને છોકરો પણ તેને સોંપ્યો, ને તેને વિદાય કીધી; ને તે નીકળીને બેરશેબાના અરણ્યમાં ભટકતી ફરી.

¹⁵ અને છાગળનું પાણી થઇ રહ્યું ત્યારે તને છોકરાને એક ઝાડવા તળે મેલ્યો.

¹⁶ અને તે દૂર જઈને એક તિરવા જેટલે અંતરે જઈને તેની સામે બેઠી, કેમકે તેણે કહ્યું, છોકરાનું મરણ હું નાં જોઉં; ને તે તેની સામે બેઠી, ને પોક મુકીને રડી.

¹⁷ અને દેવે છોકરાનો સાદ સંભાળ્યો, અને દેવના દૂતે આકાશમાંથી હાગારને હાંક મારીને કહ્યું, હાગાર, તને શું થયું છે? બિહી ના, કેમકે જ્યાં છોકરો છે ત્યાંથી દેવે તેનો સાદ સંભાળ્યો છે.

¹⁸ ઉઠ, છોકરાને ઉચકી તેને તારા હાથમાં લે; કેમકે હું તેનાથી એક મોટી કોમ ઉત્પન્ન કરીશ.

¹⁹ અને દેવે તેની આંખ ઉઘાડી, ને તેને એક પાણીનો કુવો દીઠો, ને તેને જઈને છાગળ પાણીથી ભરી ને છોકરાને પાયું.

²⁰ અને દેવ તે છોકરાનો સાથે હતો, ને તે વધ્યો, ને અરણ્યમાં રહીને તીરંદાજ થયો.

²¹ અને તે પરાનના અરણ્યમાં રહ્યો; ને તેની માએ તેને સારું મિસર દેશમાંથી એક બાયડી લીધી.

²² અને તે સમયે એમ થયું, કે અભીમેલેખ ને તેના સેનાપતિ ફીકોલે ઈબ્રાહીમને કહ્યું, જે સર્વ તું કરે છે તેમાં દેવ તારી સાથે છે.

²³ એ માટે હવે હિયાં મારી આગળ તું દેવના સન ખ, કે મારી સાથે, ને મારા દીકરા સાથે, ને મર દીકરાના દીકરો સાથે, તું દગો નહિ કરે,; પણ તારા પર મેં દયા કરી છે, તે પ્રમાણે મારા પર ને જ્યાં તું રહે છે તે દેશ પર તું દયા કરશે.

²⁴ અને ઇબ્રાહીમે કહ્યું, હું સં ખાઇશ.

²⁵ પછી અબીમેલેખના દસોએ પાણીનો એક કુવો બળાત્કારે લીધો હતો, તે માટે ઇબ્રાહીમે અબીમેલેખને ઠપકો દીધો.

²⁶ અને અબીમેલેખ કહ્યું, એ કામ કોણે કર્યું છે, એ હું જાણતો નથી; ને તે પણ મને જણાવ્યું નહોતું, ને મેં આજ્જ એ સાંભળ્યું છે.

²⁷ અને ઇબ્રાહીમે ઘેટાં તથા ઢોર લાવીને અબીમેલેખને આપ્યાં; ને તે બંનેએ કરાર કીધો.

²⁸ અને ઈબ્રાહીમેં ટોળામાંથી સાત ઘેટી કહાડીને એક કોરે મેલી.

²⁹ અને અબીમેલેખે ઈબ્રાહીમને કહ્યું કે, તે આ સાત ઘેટી એક કોરે મેલી તે શું?

³⁰ ત્યારે તેણે કહ્યું, આ સાત ઘેટી મારા હાથથી તું લે, કે આ કુવો મેં ખોદ્યો છે તેની તેઓ મારે માટે સાક્ષી થાય.

³¹ એ માટે તે જગ્યાનું નામ તેણે બેરશેબા [એટલે સામનો કુવો] પાડ્યું, કેમકે ત્યાં તે બેહુએ સં ખાધા.

³² એમ તેઓએ બેરશેબામાં કરાર કીધો; ત્યારે અબીમેલેખ ને તેનો સેનાપતિ ફીકોલ ઉઠીને પલિસ્તીઓના દેશમાં પાછા ગયા.

³³ અને ઇબ્રાહીમે બેરશેબામાં એક એશેલ વૃક્ષ રોપ્યું, ને ત્યાં યહોવાહ સનાતન દેવને નામે પ્રાર્થના કીધી.

³⁴ અને ઈબ્રાહીમ બહુ દહાડા સુધી પલિસ્તીઓના દેશમાં રહ્યા.